In the treacherous frontier city of Samurai Town, a ruthless bank robber is sprung from jail by wealthy warlord The Governor, whose adopted granddaughter Bernice has gone missing. The Governor offers the prisoner his freedom in exchange for retrieving the runaway. Strapped into a leather suit that will self-destruct within five days, the bandit sets off on a journey to find the young woman—and his own path to redemption.

සුභ දවසක් හැමෝටම!!

Prisoners of the Ghostland චිත්‍රපටය 2021 සැප්තැම්බර් 17 තමයි VOD (වීඩීයෝ ඔන් ඩිමාන්ඩ්) ක්‍රමය හරහා නිකුත් වෙන්න තිබුනේ. ඒත් හදිසියේම ඊයේ (14) මේ ෆිලුමේ හොඳ කොපියක් අන්තර්ජාලයට නිකුත් උන නිසා ඉක්මනටම උපසිරැසි ගේන්න පුළුවන් උනා. මේ චිත්‍රපටය 76%ක කුණු තක්කාලි කැමත්ත ලබාගන්නත්, 5.6ක IMDb අගයක් ලබාගන්නත් සමත් වෙලා තියෙනවා වගේම මෙය Action / Thriller / Horror යන කාණ්ඩයන්ට තමයි වර්ගීකරණය වෙලා තියෙන්නේ. චිත්‍රපටය අධ්‍යක්ෂනය Sion Sono විසින් සිදු කරලා තියෙන අතර මෑතකදි Pig (2021) චිත්‍රපටයෙ විශිෂ්ට රංගනයක නියුතු උන Ghost Rider (2007), Faceoff (2007), The Rock (1996), Jiu Jitsu (2020), Lord of War (2005) වැනි චිත්‍රපටවල සදා නොමැකෙන රංගනයෙන් දායක උන හොලිවුඩයේ පතාක යෝධයෙක් බඳු සුපිරි නළු Nicholas Cage “හීරෝ” ලෙසත්, The Mummy (2017), Fahrenheit 451 (2018), Hotel Artemis (2018) වැනි නිර්මාණ තුලින් හමුවූ Sofia Boutella “බර්නීස්” ලෙසත් මෙහි ප්‍රධාන චරිත වලට එක්වෙනවා.

සමුරායි නගරයේ බන්ධනාගාරගත කරලා ඉන්න නමක්, ගමක් නොදන්න කුප්‍රකට අතිශය භයානක අපරාධකරුවෙක්ට මේ නගරයේ ඉන්න ධනවත් ආණ්ඩුකාරයා වැඩක් පවරනවා. ඒ තමයි තමන්ගේ භාරව ඉඳලා අතුරුදන් උන ඔහුගේ මිනිබිරිය වන “බර්නිස්” හොයාගන්න එක. ඉතිං මේ වගේ බිහිසුණු මිනිහෙක්ට තමන්ගේ මිනිබිරිය සොයන්න භාර දෙන්න කලින් මේ ධනවතා ආරක්ෂක ක්‍රියාමාර්ගක් කිහිපයකුත් ගන්නවා. මිනිබිරිය සොයා ගන්න දවස් තුනයි තියෙන්නේ. ඒ වගේම මේ අපරාධකාරයට ලෙදර් වලින් නිමවුන ජැකට් එකක් සහිත කලිසමක් අන්දනවා. මේ ඇඳුමේ අත් දෙකේ සහ කකුල්වල පුපුරණ ද්‍රව්‍ය සවිකරලයි තියෙන්නේ, කකුල්වල කිව්වට මරු තැනක තමයි මේ පුපුරණ ද්‍රව්‍ය තියෙන්නේ. දවස් 3ක් ඇතුලට ඇයව හොයාගෙන ඇයගේ නම ඇඳුමට සම්බන්ධ මයික්‍රෆෝනයෙන් පැවසුවේ නැත්තම් මේ ඇඳුම පුපුරණවා. ඒ වගේම කාන්තාවකට සැර පරුෂව සැලකුවොත් මේ ඇඳුමේ තියන ස්නායු සංවේදක ක්‍රියාත්මක වෙලා මේ ඇඳුම පුපුරනවා. ඉතිං දවස් 3ක් ඇතුලත සාර්ථකව තම මිනිබිරිය සොයාගෙන ඇවිත් භාර දුන්නොත් මේ අපරාධකරුවට සම්පූර්ණ නිදහස ලැබෙනවා.

එහෙනම් ඉතිං චිත්‍රපටය ගැන වැඩි විස්තර කරන්න බලාපොරොත්තු වෙන්නේ නෑ. මේ මනුස්සයට තමන්වත් බේරගෙන ආණ්ඩුකාරයගේ මිනිබිරියවත් බේරගන්න පුළුවන් වෙයිද කියලා ඔයාලම බලන්නකෝ. මේකේ වචන භාවිතය නිසා පවුලේ සැමට බලන්න බෑ කියලා මතක් කරන්නත් ඕන. තෙරුවන් සරණයි !!!

ජය වේවා!!

ලිපිය උපුටා ගැනීම :- Baiscope.lk හි පලවූ යුරාන් ධනුක සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

• English