ඔන්න එහෙමනම් මේ අරගන ආවේ 2021 වසරේ නිකුත් උන Monkey King Reborn චීන ඇනිමේෂන් චිත්‍රපටයයි. එහෙමනම් වැඩි කතාබහක් නැතුව කතාවේ වෙන්න මොකක්ද කියලා කෙටියෙන්ම බලමු.

සුන් වුකොන්ග්, එහෙමත් නැත්නම් යක්‍ෂ රජු තමන්ගෙ මාස්ටර් සහ මිත්‍ර බාජි සහ සැන්ඩි සමග ධර්ම ග්‍රන්ථ සෙවීමේ වන්දනාවක නිරත වෙලයි ඉන්නෙ. ඉතින් මේ යන අසීරු ගමන අතරමගදි කට්ටිය වෙහෙස මහන්සිය නිවාගන්න පෘථිවියේ අමරණීයන්ගෙ නායකයාගෙ දෙවොලේ නතර වෙනවා. එතනදි සුන් වුකොන්ග් සහ මිත්‍රයෝ දෙන්නා මාස්ටර්ට හොරා පලතුරු කන්න යාම නිසා ඇති වෙන ප්‍රශ්නයක් නිසාවෙන් විශාල අකරතැබ්බයකට මුල පෑදෙනවා. තමන්ට එල්ල වෙන චෝදනා නිසා කුපිත වෙන සුන් වුකොන්ග් ඒ පලතුරු ගස විනාශ කරලා මුලිනුපුටා දමනවා.

හැබැයි මේ ගහ වුකොන්ග් හිතන් හිටියා වගේ සාමාන්‍ය පලතුරු ගහක් නෙවෙයි. ලෝකයේ මුල්ම යක්‍ෂයා උන ප්‍රයිමෝඩියම්ව අපායේ සිරගත කරගෙන හිටිය චී ශක්තියෙන් නිර්මාණය වුන ගසක්. ඉතින් මේ ගසේ විනාශයත් සමගින් ලෝකයේ ඉපැරණිම යක්‍ෂයා යළි නිදහස ලබනවා. ඒ විතරක් නෙවේ, ඔහු එතනින් පිටව යන්නෙ වුකොන්ග්ගෙ මාස්ටර්වත් අරගෙන. වුකොන්ග්ගෙ මේ ක්‍රියාවෙන් කුපිත වෙන අමරණීයයා ඔහුව සිරගත කරන්න උත්සහ කළත් වුකොන්ග් සමග එළඹෙන එකගතාවක් නිසාවෙන් ඔහුට යන්න දෙනවා.

එකගතාව වෙන්නෙ තෙදිනක් ඇතුළත ප්‍රයිමෝඩියම්ව විනාශ කිරීම සහ අසමත් උනොත් සදාකාලිකව සිරගත වීම. එහෙමනම් යක්ෂයන්ගෙ රජු, මහා බලවත් සුන් වුකොන්ග් හට තම මාස්ටර්ව මුදාගන්න හැකිවෙයිද? ප්‍රයිමෝඩියම්ව පරාද කරන්න ලැබෙයිද? මේ ගමනට මොන වගේ බාධා එල්ල වෙයිද? කියන දේවල් කට්ටිය බලලම දැනගන්න එහෙනම්.

ලිපිය උපුටා ගැනීම :- Cineru.lk හි පලවූ  ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

• China