Manoj Bajpayee ප්‍රධාන චරිතය රඟපාන ගාලි ගුලෙයියාන් ඔබ නරඹන්නට ඇතැයි සිතනවා.ඒ නිසා ඔහු ගැන විස්තර ආයෙත් කියන්න ඕනෙ නෑ. මේ ඔහුගේ තවත් විශිෂ්ඨ රඟපෑමක් සහිත Imdb 6.8ක් ලැබුන හින්දි චිත්‍ර පටයක්. 67 වන ඉන්දීය ජාතික සිනමා උළෙලේ හොඳම නළුවා සම්මානය මෙන්ම තවත් දෙස් විදෙස් සම්මාන උළෙල රාශියකම හොඳම නළු සම්මානය මෙම බොන්ස්ලේ චිත්‍රපටයේ චරිත නිරූපනයට බජ්පායි හට හිමි උනා. Devashish Makhija ගේ අධ්‍යක්ෂනයක් වන මෙහි Santosh Juvekar, Ipshita Chakraborty, Abhishek Banerjee ආදීන් සෙසු චරිත රඟපානවා.

මුම්බාය රැකියා සොයා එන බොහෝ උතුරු ඉන්දියානු සංක්‍රමණිකයින්ගෙන් පිරි ජනාකීර්න නගරයක්.උතුරු ඉන්දියානුවන් බොහෝ පිරිසක්(බොහොමයක් බිහාරි වැසියන්) මෙසේ සංක්‍රමණය වී මුම්බාය සිය ස්ථිර වාසස්ථානය කර ගැනීම හේතුකොට ගෙන එහි මරාති ස්වදේශිකයින්ට යටිතල පහසුකම් පිළිබඳ විවිධ ගැටළු නිර්මාණය වී තිබෙනවා.එය දඩමීමා කරගෙන ජාතිවාදී දේශපාලන පක්ෂ විශාලඅරගලයන් හි නිරත වෙනවා.බොන්ස්ලේ නම් මුම්බායිපොලිස් නිළධාරියා විශ්‍රාම යන්නේ සිය අසල් වාසී ස්වදේශික මරාතී හා සංක්‍රමණික උතුරු ඉන්දියානු වැසියන් අතර කාලයක් තිබූ හොඳ හිත මෙසේ ජාතිවාදීන් විසින් පළුදු කරමින් සිටිනා අවධියක.ජාතිවාදී වෛරයේ ගිණිදැල් අවටින් මතු වෙද්දී තමා අයැදුම් කර ඇති සේවා දිගුව බලාපොරොත්තුවෙන් සිය අඳූරු නිවසේ හුදෙකලා වන ‘බොන්ස්ලේ කාකා’ නම් ආඩම්බරකාර මරාතියාගේ යාබද නිවසට අළුතින් පදිංචියට එන්නේ උතුරු ඉන්දියානු තරුණියක් හා ඇගේ ලාබාල සොහොයුරායි. ඔහුගේ සේවා දිගුව ලැබෙයිද? මරාති ජාත්‍යාලයට මැදිවන බොන්ස්ලේගේ ඉරණම මෙන්ම ඔහුගේ නව බිහාරි අසල්වැසියන්ගේ ඉරණම කුමක් වේද?

එහෙනම් මෙ ලස්සන කතාව ඔයාලා හැමෝටම බලන්න කියන ගමන් දැනට සමුගන්නවා…