ඇල්බින් කියන්නේ යූටියුබර් කෙනෙක්. මෙයාගේ පෙම්වතිය තමයි රීමා. ඉතින් මේ දෙන්නා කසාරගෝඩ් වල තියෙන එක කැලේකට යනවා. හැබැයි යන්නේ එහේ තියෙනවා කියලා සැලකෙන අද්භුත බිමක් ගවේෂණය කරන්න.. ඒ යන්නෙත් ඊට පස්සේ හවස් වෙන්න කලින් එන්න හිතාගෙන. ඒත් ඒක නවතින්නෙත් නොහිතු මොහොතක.

සරන් කියන්නේ ඇල්බින් වගේම යූටියුබර් කෙනෙක්. එයත් මේ කැලේට එන්නේ අර ඇල්බින් – රීමා දෙන්නාගේ ගමනමයි. හැබැයි මේ සරන් එයාගේ තව යාලුවෙක් එක්කමයි එයාලගේ චැනල් එක කරන්නේ. මේ දෙන්නට අර ඇල්බින් – රීමා ජෝඩුව මුණ ගැහෙනවා. ඒ හමුවෙන්නෙත් අර දෙන්නගේ උගුලේ ප්‍රතිපලයක් විදිහට.

හැබැයි මේ දෙගොල්ලොන්ටම ලොකු අකරතැබ්බයකට මුහුණ දෙන්න සිදුවෙනවා.

මොකක්ද මේ වෙන්නේ?
ඇයි එයාලට එහෙම දේකට මුහුණ දෙන්න වෙන්නේ?
සරන්ගෙයි යාලුවාගෙයි රීමාට අටවපු උගුල මොකක්ද?
අවසානය කුමකින් කුමක් වෙයිද?

මේ ප්‍රශ්නවලට උත්තර මේ චිත්‍රපටයෙන් දැකගන්න පුළුවන් වෙයි.

සබ ඕනේ අය පහලට ගිහිල්ලම ඩවුන්ලෝඩ් කරගන්න.. වැඩි විස්තර ඕනේ අයට පොඩි හැල්ලක් මේ විදිහට ලියන්නම්.

නිර්මාල් බේබි වර්ගිස්.. මේ නම ඒ තරම් හුරුපුරුදු නමක් නොවෙන්න පුළුවන්. හැබැයි Dreadful Chapters කියන චිත්‍රපටය බැලුවා නම් ඒකත් අධ්‍යක්ෂණය කලේ මෙන්න මේ නිර්මාල් බේබි වර්ගිස් කියන කෙනා. මේක මලයාලම් සිනමාවේ පළමු ටයිම් ලූප් චිත්‍රපටය. ඔයාලා තාමත් ඒක බැලුවේ නැත්නම් සිනෙරු වෙබ් අඩවියේ ඒ චිත්‍රපටයේ උපසිරැසි තියෙනවා. අරන් බලන්න කියලා ආරාධනා කරනවා..

අද මං උපසිරැසි ගෙන එන්නේ නිර්මාල්ගේම තවත් චිත්‍රපටයකට. විශේෂම දේ මේක තමයි පළමු Found – Footage මලයාලම් චිත්‍රපටය. ඒ විතරක් නෙවෙයි. මේක සම්මාන ලාභී මලයාලම් හොරර් චිත්‍රපටයක්. මේකත් උපසිරැසියක් ගෙන එන්න මට හේතුවක් වුණා.

Found-Footage කියන්නේ සිනමා නිර්මාණයේදි භාවිතා කරන එක්තරා ක්‍රමයක් වගේම කැටගරියක්. උදාහරණයක් විදිහට හිතන්න යම් කිසි චරිත කිහිපයක් ඉන්නවා. එයාලට කතාවක් කරන්න ඕනේ වෙනවා. ඒ කතාවට සම්බන්ධ ඒ චරිත විසින් කරන ලද වීඩියෝ රෙකෝඩ්න් හරි ෆිල්ම් එකක් හරි ජනතාව හොයාගන්නවා නම් අපි ඒකට කියන්නේ Found Footage කියලා..

එහෙනම් යමු විස්තරේ දිහාට..

මේ චිත්‍රපටයේ නම Vazhiye. 2022 ජුනි 11 වෙනිදා නිකුත් කරපු මේ චිත්‍රපටයේ අධ්‍යක්ෂණය නිර්මාල් බේබි වර්ගිස්ගෙන්. රචනයත් එයාමයි කලේ. නිෂ්පාදනය බේබි චයිතන්‍යාගෙන්. සංගීත අධ්‍යක්ෂණය ඇමරිකානු ජාතික එවන් එවන්ස්ගෙන්. මේක අයිති වෙන්නේ Found-Footage / හොරර් ගණයට.

රංගනයෙන් දායක වෙන්නේ අලුත් කට්ටියක්. ජෙෆින් ජෝසෆ්, අශ්වති අනිල් කුමාර්, වරුන් රවින්ද්‍රන්, ශ්‍යාම් සලාෂ්, ශලිනි බේබි, ජොජි ටොමි, සානියා පවුලෝස්, රාජන් වගේ අය දායක වෙනවා.

මේ චිත්‍රපටයට ලබා දී තියෙන IMDB අගය 3.8/10ක්. ඒ වගේම ගූගල් පරිශීලක අගය 42%ක්. ධාවන කාලය විනාඩි 80ක්.

විශේෂ කරුණු:
* මේ චිත්‍රපටය මුලින්ම තිරගත කලේ 2022 වසරේ මැයි මාසයේ පැවැත්වූ ටොරෙන්ටෝ ඉන්දි හොරර් ෆිල්ම් ෆෙස්ට් එකෙන්.

* ඉන් පසු මේ චිත්‍රපටයේ OTT නිකුත් කරන්නේ ඇමරිකානු OTT ප්ලැට්ෆෝම් එකක් වෙන Diverse Cinema කියන ප්ලැට්ෆෝම් එකෙන්. ඉන් පසුව තමයි ඒ අවුරුද්දෙම අගෝස්තු 12 වෙනිදා Amazon Prime Video හරහා මුදා හැරුණේ.

* මේ චිත්‍රපටය සම්මානයකිනුත් පිදුම් ලබලා තියෙනවා. ඒ හොඳම පර්යේෂණාත්මක චිත්‍රපට අධ්‍යක්ෂකගේ සම්මානය හිමිකරගනිමින්.

* ඉන්පසු 2024 අවුරුද්දේ මේ චිත්‍රපටි කණ්ඩායම ආරම්භ කළා “Vazhiye Indie Film Fest” කියලා වැඩසටහනක්.

නිර්මාල්ගේ මීලග චිත්‍රපටය සොම්බි ගැන සම්බන්ධයෙන් යන චිත්‍රපටයක්. ඒකේ නම Disease X: The Zombie Experiment. මේක තවම නිකුත් කරන දිනයක් තවම දන්වලා නෑ. ආවොත් උපසිරැසියක් ගෙන්න උත්සහ කරන්නම්..

ඔයාලගේ අදහස් හරි අඩුපාඩු හරි තියෙනවා නම් කමෙන්ට් එකකින් දන්වන්න අමතක කරන්න එපා වගේම ඔයාලට ඕනේ චිත්‍රපටි ඉල්ලීම් එහෙම තියෙනවා නම් කමෙන්ටුවකින් දැනුවත් කරන්න.

හැමදාම වගේ මගේ උපසිරැසි වලට අදහස් උදහස් දක්වන ප්‍රේක්ෂක ඔයාලට මගෙන් තුති.

ඉස්සරහට තව ෆිල්ම් අරන් එනකල් අදට මං ගොහින් එන්නම්කෝ. තවත් සබකින් ආයේ හමුවෙනකම් ඔයාලට සුබ දවසක් !

ලිපිය උපුටා ගැනීම :- Cineru.lk හි පලවූ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Vazhiye (2022) Sinhala Subtitles | සිංහල උපසිරසි සමඟ appeared first on SinhalaSub.

ජය වේවා!!

ලිපිය උපුටා ගැනීම :- Cineru.lk හි පලවූ ඉසුරු ලක්මාල් සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Dreadful Chapters (2024) Sinhala Subtitles | සිංහල උපසිරසි සමඟ appeared first on SinhalaSub.