සුභ දවසක් ඔයාල හැමෝටම

ඔන්න ඉතින් හිමින් හිමින් සබ් ගහලා 150 කඩයිමටත් ආව එහෙනම්.. ඉතින් මේ වෙනකම් මගෙත් එක්ක හිටපු අයව මතක් නොකර බෑනේ.. විශේෂයෙන්ම, ඕන දේකට මට පණ උනත් දෙන්න ඉන්න සමිත අයියා, උචිනි අක්කා, ඉඳුවර මල්ලි, රොෂේන් සහෝදරයා, කවිෂ්ක සහෝදරයා ගොඩක් ආදරෙන් මතක් කරනවා.. ආදරෙයි මගෙ උන් ටිකට ඒවගේම පීටර් අයියා සහ අශේන් අයියාවත් මතක් නොකරම බෑ.. ස්තුතියි ඔයාලටත් ඒවගේම සිනෙරූ පවුලේ සියළුම දෙනාවත් ආදරෙන් මතක් කරනවා.. එතකොට හැමදාම කමෙන්ට් එකකින් ඩවුන්ලෝඩ් එකකින් මාව දිරිමත් කරන ඔයාලා හැමෝටමත් ගොඩක් ස්තුතියි.. ආදරෙයි

KINGDOM (2025) “ යුද්ධයක ආරම්භය ” 

2025 ජූලි 31 වෙනිදා ලොව පුරා තිරගත වීම ඇරබුණු මේ චිත්‍රපටය තෙළිගු භාෂාව මූලික කරගෙන නිකුත් වූවක්.. මේක අයත් වෙන්නෙ Action Spy Thriller කියන ශානරයට.. මේ ෆිල්ම් එක ගැන අපේ ලංකාවේ නම් ගොඩක් දෙනෙක් කලින්ම දැනගත්තා.. මොකද මේ චිත්‍රපටයේ බොහොමයක් සිදුවීම් රූපගත කරේ ලංකාවේ බෝගම්බර බන්ධනාගරය, ගාලු කොටුව, වික්ටෝරියා ඩෑම් එක වගේ සුන්දර ස්ථාන ආශ්‍රිතව.. ඉතින් ඔයාලට අපේ රටේ සුන්දරත්වයත් තෙළිගු අධ්‍යක්ෂකවරයෙක්‌ගෙ කෝණයෙන් දැක ගන්න පුළුවන් මේකෙන්… ඇත්තටම ශ්‍රී ලංකා යුධ හමුදාව සම්බන්ද කොටස් පෙන්නද්දී නම් මාර ගැම්මක් ආවේ ප්‍රධාන චරිතය සඳහා රංගනයෙන් දායක වෙන්නෙ Vijay Deverakonda විසින්.. කොල්ලගේ ඇක්ටින් සුපිරි මට්ටමේ තිබ්බ.. කාලෙකින් පොරගෙ හොද ඇක්ෂන් ටිකක් දැක්ක ඒවගේම මේකෙ සංගීත අධ්‍යක්ෂණය කරලා තියෙන්නේ ගොඩක් අය ආදරේ කරන Anirudh Ravichander විසින්..

අධ්‍යක්ෂණය සහ රචනය – Gowtam Tinnanuri
ධාවන කාලය – මිනිත්තු 160
භාෂාව – තෙලුගු

රංගනය

Vijay Deverakonda සූරී ලෙසින්
Satyadev සිවා ලෙසින්
Bhagyashri Borse ඩොක්ටර් මධු ලෙසින්

කතාව පැත්තට ගියොත්,

සූරී කියන්නෙ ඉන්දියාවේ සාමන්‍ය පොලිස් කොස්තාපල් වරයෙක්.. මෙයා තමන්ගේ පොඩි කාලේ අතුරුදහන් වෙච්ච අයියව හොයන ගමන් ඉන්නේ.. සූරී පොලිස් නිලධාරියෙක් එක්ක දාගන්න එක්තරා ප්‍රශ්නයක් නිසා මෙයාව හයිලයිට් වෙන්න ගන්නවා.. ඊටපස්සේ පොලිසියේ ඉහළ නිලධාරියෙක් සුරිගේ ගෙ අයියව සූරිට මුණගස්වන පොරොන්දුව පිට, සූරිව ලොකු මෙහෙයුමකට බඳවා ගන්නවා.. හැබැයි මෙහෙයුම තියෙන්නේ ඉන්දියාවේ නෙවෙයි.. ලංකාවේ.. ඉතින් කොල්ලා ලංකාවට එනවා.. ලංකාවේ ඩිවී කියන දුපතේ, එක්තරා ගෝත්‍රික මිනිස්සු වගයක්ව ප්‍රාණ ඇපේට වගේ තියගන ඉන්නව යාපනේ ඉන්න බලවත්තු පිරිසක් විසින්.. මෙයාල කරන්නේ ඒ මිනිස්සු ලව්වා මුහුද මගින් හොර ජාවාරම් කරවන එක.. ඉතින් සූරීව යවන්නේ මේවා අල්ලගන්න.. ඉතින් එතනදී තමයි සූරි දැනගන්නේ මේ ගෝත්‍රික පිරිසේ නායකයා විදියට ඉන්නේ සූරිගේ අයියා කියලා..

ඔන්න ඔතනින් තමයි මේ ෆිලුම පටන් ගන්නෙ.. මරු Climax එකක් තියෙනවා මේකෙ

මේ ටයිප් ෆිල්ම් වලට ආස අය බලන්න ගිහින් එන්නම් හැමෝටම ජය

ලිපිය උපුටා ගැනීම :- Cineru.lk හි පලවූ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

කාලේකට පස්සේ උපසිරැසියක් අරන් ආවා. මේ අරන් ආවේ පහුගිය සිකුරාදා අන්තර්ජාලයට අලුතින්ම නිකුත් උන බඩී කියන චිත්‍රපටිය අරන්. මේක දැක්කාම මුලින් හිතුවා කලින් ආපු ටැමිල් ෆිල්ම් එකක් වෙන Teddy ෆිල්ම් එකේම රිමේක් එකක්දෝ කියලා. හැබැයි මේක රිමේක් එකක් නෙමෙයි. ඒ කතාවයි මේ කතාවයි අහසට පොළව වගේ වෙනස්. මේක ටැමිල් ෆිල්ම් එකේ ඇඩප්ටේෂන් එකක්.. ඒ කිව්වේ එකේ ආභාෂය අරන් කරපු චිත්‍රපටියක්. මේකේ ප්‍රධාන චරිත ලෙස අපි කවුරුත් දන්න අල්ලු අර්ජුන්ගේ සහෝදරයා වෙන Allu Sirish රංඟනයෙන් දායක වෙනවා. මිට අමතරව Gayatri Bhardwaj,Prisha Rajesh Singh හා Ajmal Ameer මෙහි සෙසු චරිත රඟපානවා..

කතාව ගැන කිව්වොත් ආදිත්‍යා කියන්නේ ගුවන් නියමුවෙක්. පල්ලවි කියන ගැණු ළමයා එයාර්පොට් එකේ ATC එකේ රාජකාරි වලට එනවා. මේ තමයි එයා වැඩ කරන්න එන පළවෙනි දවස.. මෙතැනින් තමයි එයාර්පොට් එකට එන ගුවන් යානා ගමන් සේරම පාලනය කරන්නේ. පල්ලවිට ලැබෙන පලවෙනිම ගුවන් යානා ගොඩබැස්සවිම වෙන්නේ ආදිත්‍යාගේ ගුවන් යානාව. මෙහෙම කල් ගත වෙද්දි හැමදාම මේ කතා කරන ආදිත්‍යා ගැන පල්ලවිට ආදරයක් හිතෙනවා. නමුත් ඒක ඇය කියන්නේ නැහැ. කොහොම හරි දවසක් ගුවන්පාලන මධ්‍යස්ථානේ ඉදන් පල්ලවි අතින් වෙන පොඩි අතපසු විමක් නිසා ආදිත්‍යාට වැඩතහනමක් සිද්ධ වෙනවා. තමන් නිසා මේක ආදිත්‍යාට උනේ කියලා පල්ලවි දන්න නිසා ආපහු ආදිත්‍යාව මුණ ගැහෙන්න තියා කතා කරන්නවත් යන්නේ නැහැ. කොහොම හරි කාලය ගත වෙලා යනවා. ආදිත්‍යාව දවසක් හම්බවෙන්න පල්ලවි එනවා. එත් පල්ලවි එන්නේ ටෙඩි බෙයාර් කෙනෙක් වෙලා. පල්ලවිගේ ආත්මය කොහොමද මේ වගේ ලොකු ටෙඩි කෙනෙක්ට මාරු උනේ. එහෙම වෙන්න හේතුව මොකක්ද? ඒක දැනගන්න චිත්‍රපටිය අරන් බලන්න කියලා ආරාධනා කරනවා. සුභ දවසක් හැමෝටම

ජය වේවා!!

ලිපිය උපුටා ගැනීම :- Zoom.lk හි පලවූ ඉමාෂා ජයසූරිය  සහෝදරියගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

Aadikeshava (2023) කියන්න ටිකකට කලින් ආපු තෙළුඟු Action, Romance, Comedy චිත්‍රපටියක්. වෛෂ්ණව් තේජ් සහ ස්‍රී ලීලා මෙහි ප්‍රදාන යුවල ලෙසින් රංඟනයෙන් දායක වෙනවා. විලන් චරිතයට අපි හඳුනන මලයාලම් නළුවෙකු වන ජෝජු ජෝර්ජ් රංඟනයෙන් දායක වනවා. ඒ වගේම Srikanth N. Reddy ගෙ කුළුඳුල් අධ්‍යක්ෂණය තමයි මේ චිත්‍රපටිය. ඒවගේම මේ චිත්‍රපටිය සඳහා සංගීතයෙන් දාය වන්නේ G.V. Prakash Kumar.

බාලු කියන්නේ එක පවුල බාලම පුතා. ඒවගේම අම්මගෙ හුරතලා. ඉතිං රස්සාවක් එහෙම කරන්නෙ නෑ. ගෙදරින් දෙන දෙයක් කාලා ඇදලා තමයි ඉන්නේ. ඉතිං දවසක් ඔහුගෙ තාත්තගෙ බල කිරීම නිසා රස්සාවකට යනවා. එතනදි ඔහුට හම්බවෙනවා චිත්‍රාව. ඉතිං ඇය තමයි මොහුගෙ බොස් වෙන්නේ. ඇය එක්ක වැඩ කරන් යද්දි බාලුට ඇය ගැන ආදරයක් ඇති වෙනවා. නමුත් ඒකට ඇයගෙ පියා විරුද්ධ වෙනවා.

ඒ කථාව එක් පසෙකින් යද්දි, චෙන්ගාරෙඩ්ඩි කියලා පතල් හාරන මැරයෙක් ගැනත් අපිට පෙන්වනවා. බොහොම දරුණු ස්වභාවයෙන් ඉන්න මොහු, බලෙන් ඉඩම් අල්ලගෙන මේ දේවල් කරගන්නවා. ඔහුට හරස් වෙන ඕනෙම කෙනෙක්ව ගැහැනු පිරිමි භේදයක් නොබලම මරලා දානවා.

ඔහොම ඉන්නකොට තමයි බාලුගෙ ජීවිතේ කිසිවෙක් දැන නොසිටි අතීත පරිච්ඡේදයක් එලඹෙන්නේ. පතල් හාරපු චෙණ්ගාරෙඩි සහ කොස්මෙටික් ආයතනයක රස්සාව කල බාලු අතරෙ නොසිතූ විදියේ දෙයක් එළියට එන්නේ මේ අතරෙ. ඒ මොකක්ද? කොහොමද මේ දෙන්නා පටලැවෙන්නෙ කියලා දැනගන්න නම් මේක බලන්නම වෙනවා.

ජය වේවා!!

ලිපිය උපුටා ගැනීම :- Zoom.lk හි පලවූ ලහිරු උදයංඟ  සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න