ඉතිං යාළුවනේ. අද ඔයාලට මම සිංහල උපසිරැසි යොදලා අරගෙන ආවේ මේ වසරේ නිකුත් උන තවත් අමුතු විදිහේ හොල්මන් චිත්‍රපටියක්. ඇත්තටම මේ චිත්‍රපටියේ ඉන්නෙ හොල්මනක් නෙවෙයි, අමනුෂ්‍යයෙක් කියලා කිව්වොත් නිවැරදියි. එක්තරා ආගමික කණ්ඩායමකට බැඳිලා ඉන්න ඇනබෙල් හිගින්ස් නැමති තරුණියක් විසින් තමන්ගෙ පෙම්වතා එක්ක එකතු වෙලා තම මව සහ පියාව අමානුෂික අන්දමින් ඝාතනය කරනවා. එහෙම ඝාතනය කරලා අල්ලපු ගෙදර සිටින දොස්තර කෙනෙක් සහ මවක් වීමට ආසන්නව ඉන්න ඔහුගෙ බිරිඳවත් ඝාතනය කරන්න හදනවා. නමුත් ඒ මොහොතේ එතනට පැමිණෙන පොලිසිය විසින් එම ඝාතනය වළක්වනවා. එහිදී ඇගේ පෙම්වතා පොලිස් වෙඩි පහරින් මිය යන අතර බෝනික්කෙක් අතැතිව කාමරේකට ගොස් අගුළු ලා ගන්න ඇනබෙල් සියදිවි නසා ගන්නවා. හැබැයි ඇගේ ආත්මය අර බෝනික්කා තුලට කාන්දු වෙනවා.

IMDb වෙබ් අඩවියේ 5.6/10 ක ඇගයුම් අගයක් ලබාගෙන තියෙන මේ චිත්‍රපටිය මේ සතියේ ලොව හොඳම චිත්‍රපටි අතර 38 වෙනි ස්ථානයේ රැඳී තියෙනවා. මේ චිත්‍රපටියට සිංහල උපසිරැසි කරන්න බාරගෙන තිබුනේ සමීර සහෝදරයා උනත් සමීර සහෝගේ පරිගණකයේ ඇති වූ දෝෂයක් නිසා විකියා මේක මට බාර දුන්නා. අවුරුද්ද අන්තිම නිසා කාර්ය බහුල උනත් මේ වගේ සුපිරි චිත්‍රපටියකට උපසිරැසි නොගන්වා ඉන්න බැරි නිසා බාර ගත්තා. මේ චිත්‍රපටියට උපසිරැසි දාන්න සමීර චතුරංග සහෝදරයාගෙනුත් මට සහයක් ලැබුනා. ඒ සම්බන්ධයෙන් ඔහුටත් ස්තූතිවන්ත වෙන ගමන් චිත්‍රපටිය රසවිඳින්න කියලා ඔයාලට ආරාධනා කරනවා. ඒ වගේම මේ චිත්‍රපටියේ ප්‍රධාන චරිතය වන මියා ගෙ චරිතය රඟදක්වන නිළියගෙ ඇත්ත නමත් ඇනබෙල්. ඩොලර් මිලියන 6ක වියදමින් නිපදවූ මේ චිත්‍රපටිය මේ වන විට ඩොලර් මිලියන 84 ඉක්මවූ බොක්ස් ඔෆිස් ආදායම් වාර්තාවක් තියන්නත් සමත් වෙලා තියෙනවා.

ඉතිං යාළුවනේ. මේ බෝනික්කා තුලට කාන්දු වෙන ඇනබෙල්ගෙ ආත්මය බලාපොරොත්තු වෙන්නෙ මොකක්ද? ඇගේ බලාපොරොත්තුව සාර්ථක ‍වේවිද? එහෙම නැත්නම් ඇගේ ආත්මය මැඩපවත්වාවි ද? දොස්තරගෙ බිරිඳට තම දරුවා ප්‍රසූත කරගන්න පුළුවන් වේවිද? දොස්තරටයි දොස්තරගෙ බිරිඳ වන මියා ටයි තම පවුල ආරක්ෂා කරගන්න මොන වගේ දේවල් කරන්න වේවිද? කියලා කතාව බලලම දැනගන්න. හැබැයි ඔන්න බයඋනා කියලා අපිට එහෙම දොස් කියන්න එපා. ?

ලිපිය උපුටා ගැනීම :- Baiscope.lk හි පලවූ දිනිඳු සම්පත් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Annabelle (2014) Sinhala Subtitles | සිංහල උපසිරසි සමඟ appeared first on SinhalaSub.