සුභ දවසක් හැමෝටම!!

ඉංග්‍රීසි නොවන යුරෝපා චිත්‍රපටයක් ඉදිරිපත් කරන්නයි මේ සුදානම. නමින් La belle et la bête මේ ප්‍රංශ චිත්‍රපටය අපි දන්නා ඉංග්‍රීසියෙන් Beauty and the Beast ලෙස තමයි ඉතින් නම යොදලා තියෙන්නේ.

මේ සිනමා නිර්මාණය කොළඹ ජාත්‍යන්තර සිනමා උළෙලෙත් ප්‍රදර්ශනය කළා. අධ්‍යක්ෂක වරයා වෙන්නේ Christophe Gans ඔහු ටිකක් මේ පැත්තට බර චිත්‍රපට කරන කෙනෙක් වගේ හැබැයි ඔහුව හැමෝම දන්නේ නම් Silent Hill චිත්‍රපටය නිසා වෙන්න ඕනේ. ප්‍රධාන නිළිය වෙන්නේ Léa Seydoux ඇය තමයි ලගක දී අපේ වෙබ් අඩවියෙත් කතාබහට ලක් වුන Blue Is the Warmest Color (2013) චිත්‍රපටයේ නිල් කොණ්ඩා කාරිය වෙන්නේ ඒ වගේම තමයි ඇය ඉදිරියේ එන්න තියන බොන්ඩ් චිත්‍රපටයේ බොන්ඩ් කත වෙන බවත් දැනගන්න ලැබෙනවා හොලිවුඩයෙන්. ප්‍රධාන නළුවා වෙන්නේ Vincent Cassel ඔහුත් ඔබ දැක ඇති නළුවෙක්.. මේ දෙන්නට අමතරව André Dussollier, Eduardo Noriega, Myriam Charleins, Audrey Lamy හා තවත් විශාල පිරිසක් රංගනයෙන් දායක වෙනවා. මේ වෙන කොට මේ සලරුව IMDB දර්ශකයේ 6.5 ක අගයක් ලබාගන්න සමත් වෙලා තියනවා.

කතාව මෙහෙමයි, බොහොම පොහොසත් පවුලක් තමුන් සතු හැම දෙයක්ම නැති වෙන තැනට පත් වෙනවා. ඉතින් නගරයේ මහා මන්දිරය අත්හැර දාලා ඔවුන්ට යන්න වෙනවා ගමේ ගොවි ගෙදරකට පොහොසත් වෙළෙන්දාගේ පුතුන් ඒ තරම් ලොකු වදයක් නොදුන්නත් ලොකු දුවලා දෙන්නා නම් බොහොම අකමැති මේකට පොඩි දුන් නම් ගෙදර වැඩ පල කරගෙන බොහොම උදව්වක් වෙනවා පියාට. දවසක් පියාට හොඳ පුවතක් දැනගන්න ලැබෙනවා ඉතින් ගෙදර හැමෝම ඔහුට තමුන්ට මේවා මේවා ගෙන්න ලෙසට ලැයිස්තුවක් පිළියෙළ කරනවා, පොඩි දුව ඉල්ලන්නේ රෝස මලක් විතරයි… ඕක තමයි මම කියන කොටස…

මේ දේවල් පියාට තමුන්ගේ පවුල වෙන ගෙන්න ලැබෙන්නේ ලොකු දෙයක් කැප කරන පොරොන්දුව පිට ඒ තමයි පොඩි දුව.. ඇය දැන් උරුම වනවදුලේ මාලිගයට… ඒ මාලිගය කොහොම තැනක් ද? එහි සැරිසරන මෘගයා කවුද ? ඔහු ඇත්තෙන්ම කවුද ? ඔහුට එහෙම වෙලා තියෙන්නේ ඇයි? ඒ විතරක් නෙමෙයි බොහොම ලස්සන ආදර කතාවක් මේක ඇතුලේ තියනවා, ලෝකේ බොහොම අදරනියම භාෂාවකින්…

යන්න කලින් තවත් දෙයක් කියන්න ඕනේ මේ චිත්‍රපටයේ යොදාගෙන තියන ත්‍රිමාණ රූ බොහොම අලංකාරයි ඒක නොකියාම බැරි සාධකයක්.

ජය වේවා!!

ලිපිය උපුටා ගැනීම :- Baiscope.lk හි පලවූ සමීර කරුණාරත්න සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Beauty and the Beast (2014) Sinhala Subtitles | සිංහල උපසිරසි සමඟ appeared first on SinhalaSub.