සුභ දවසක් හැමෝටම!!

වැඩිපුර කියන්න දෙයක් නෑ. නම කිවුව ගමන් හැමෝම වගේ දන්නවා. කෙටි මතක් කිරීමක් කරන්නම්. තිරගත වුණේ 2001 වර්ෂයේ. අධ්‍යක්ෂණය , තිරරචනය සහ සම නීෂ්පාදනය Steven Spielberg විසින්. Spielberg ගැන අමුතුවෙන් කියන්න ඕන නෑනේ. පාදක කරගෙන තියෙන්නේ Brian Aldiss රචනා කළ “Super-Toys Last All Summer Long” නමැති පුවත්පත් කෙටි කතාවක්. 74 වෙනි ඇකඩමි සම්මාන උළෙලේදී ඔස්කාර්සම්මාන දෙකකට ඇතුළුව සම්මාන 66කට නිර්දේශිතයි. ඒත් දිනාගෙන තියෙන්නේ සම්මාන 16ක්. ප්‍රධාන චරිත සඳහා රංගන දායකත්වය Haley Joel Osment ,Jude Law , Frances O’Connor යන අයයි. නිෂ්පාදන වියදම මෙන් දෙගුණයකටත් වඩා බොක්ස් ඔෆිස් ආදායම් ලබලාතියනවා. දෙලක්ෂයකට අධික ප්‍රේක්ෂක මනාපවලින් ලැබුණු IMDb අගය 7.1ක්. Science-Fiction චිත්‍රපට අතරින් වැඩි කතා බහට ලක්වුණ චිත්‍රපටයක්.

කතාව මෙහෙමයි. මේ කතා කරන්නේ අනාගතය ගැන; කාර්මීකරණය , නාගරීකරණය නිසා විනාශ වුණ ලෝකයක් ගැන. ලෝකයේ සම්පත් සීමිතයි. ඒහේතුවෙන්ම ජනගහනය පාලනය කරන්නත් සිද්ධ වෙලා. ඒ නිසා මිනිස් වර්ගයාගේ එදිනෙදා වැඩ කටයුතු පහසු කරගන්න මිනිස්සු රොබෝවරුන් හෙවත් මැකාවරුන්නිෂ්පාදනය කරනවා. මැකා කියන්නේ මැකැනිකල් හෙවත් යාන්ත්‍රික බවයි. ඒත් පසු කාලයකදී මේ රෝබෝවරුන්ට විරුද්ධව ජනමතයක් ගොඩනැගෙනවා. මිනිස්සුරෝබෝවරුන්ව ප්‍රතික්ෂේප කරනවා. ඒත් රොබෝවරුන් නැතුවත් බැහැ. කෘතීම බව, කෘතීම බුද්ධිය පිළිකුල් කරන යුගයක සයිබර්ට්‍රොනික්ස් ආයතනයකෘතීම බුද්ධියේ උපරිමයට ළඟා වෙමින් ආදරය දැක්විය හැකි රොබෝ දරුවෙක් නිර්මාණය කරනවා. ඒ තමයි ඩේවිඩ්. ඩේවිඩ්ව පරික්ෂා කරන්න භාර කරන්නේ රෝගීතත්වයේ ඔත්පලව පසුවන දරුවෙක් ඉන්න මොනිකා සහ හෙන්රි යුවලට. ඩේවිඩ් කේතනය කෙරෙන්නේ ආදරය දක්වන්න. ඩේවිඩ්ගේ ක්‍රියාපටිපාටියේ තියෙන්නේආදරය විතරයි. ඒත් මනුෂ්‍යයන් එහෙමද ? ඊර්ෂ්‍යාව,වෛරය , භීතිය හැමදෙයක්ම පිරුණු මනුෂ්‍යයන් ළඟ ඩේවිඩ්ගේ ඉරණම මොකක්ද ? ඒ සියල්ල ඔබට දැනගන්න නම් මෙක බලන්න කියලා ආරාධනා කරනවා… දිගටම රැඳෙන්න සිංහලසබ්.නෙට් වෙබ් අඩවිය සමඟ.

ජය වේවා!!

ලිපිය උපුටා ගැනීම :- Baiscope.lk හි පලවූ අදිත ප්‍රවීන් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post A.I. Artificial Intelligence (2001) Sinhala Subtitles | සිංහල උපසිරසි සමඟ appeared first on SinhalaSub.

අද මම අරගෙන ආවේ ඉතාමත් ලස්සන, සිනහා සාගරයේ ගිලුන, හැඟීම්බර කතාවක්.

චිත්‍රපටය ගැන කියනවා නම් මේක මේ වෙනකොට IMDb දර්ශකයේ 8.1 ක අගයක් හිමිකර ගැනීමට සමත් වෙලා තියෙනවා. ඒ වගේම මේක IMDB TOP 250 ලයිස්තුවේ 200 වැනි ස්ථානය දිනාගත්ත සිනමාපටයක්.  ඒ වගේම හොඳම අධ්‍යක්ෂණය, හොඳම සිනමාපටය, හොඳම නළුවා සහ හොඳම තිර රචනය වෙනුවෙන් ඔස්කා සම්මානයට නිර්දේශ වී ඒ අතරින් හොඳම තිර රචනය වෙනුවෙන් වූ සම්මානය දිනාගෙන තියෙනව.

Dead Poets Society සිනමාපටය Peter Weir විසින් (1989) දී අධ්‍යක්ෂණය කරන ලද ප්‍රබල චිත්‍රපටයක් වෙනවා. ඒ වගේම අපි කවුරුත් දන්නා Robin Williams රංගනයෙන් දායක වෙනවා. අමුතුවෙන් කියල දෙන්න දෙයක් නෑනේ එයා ගැන, Night at the Museum 2006, Night at the Museum 2009, Night at the Museum 2014, Jumanji 1995, Good Will Hunting (1997), What Dreams May Come (1998) වගේ ඉතාමත් ජනප්‍රිය චිත්‍රපට රැසකට දායක වෙලා තියෙනවා.

Dead Poets Society කතාව පැත්තට හැරුනොත් විශ්ව විද්‍යාලයක ඉංග්‍රීසි ගුරුවරයෙකු ලෙස රොබින් විලියම්ස් විසින් රංගනය විශිෂ්ට ලෙස නිරූපණය කරන අතර, ඔහු තම සිසුන් ස්වාධීනව හිතන්න සහ කවියක අර්ථය වැළඳ ගන්න ළමයින්ව පොළඹවනවා. මේ දේවල් වලින් පස්සේ ළමයි එයාලගේ ජීවිතේ විඳිනවා. (ඇත්තටම පාසල් කාලේ කොතරම් සුන්දරද කියල ඔයාට මේ චිත්‍රපටයෙන් නැවතත් මතක් කරල දෙනවා නොඅනුමානයි). ඉතින් මේ දේවල් මෙහෙම වෙද්දි අවසානයේ මේ යහළුවෝ ටිකට ඉතාමත් අවාසනාවන්ත සිදුවීමකට මුහුණ දෙන්න වෙනවා. ඔයාලම බලන්නකෝ කොතරම් හිතට වදින මොහොතක්ද ඒ කියලා.

මේ මගේ මුල්ම උපසිරැසි කරණය. අඩුපාඩු තිබුණොත් සමාවෙන්න. Comment එකක් දාන්න අමතක කරන්න එපා. එහෙනම් තවත් සිංහල උපසිරැසියකින් හමුවෙන බලාපොරොත්තුවෙන් සමුගන්නවා. ජයවේවා!

෴ඔහු ඔවුන්ගේ හුස්ම විය. ඔහු ඔවුන්ගේ ජීවිත සුවිශේෂ කළේය.෴

ලිපිය උපුටා ගැනීම :- Baiscope.lk හි පලවූ සුචිත්‍ර ප්‍රනාන්දු සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Dead Poets Society (1989) Sinhala Subtitles | සිංහල උපසිරසි සමඟ appeared first on SinhalaSub.