සුබ දවසක් හැමෝටම..

Ghost (2023) කන්නඩ චිත්‍රපටියෙන් පස්සේ ඔන්න කන්නඩ සිනමාවෙන් බැහැරවෙලා දමිළ සිනමාවේ අලුත්ම චිත්‍රපටයකට සිංහල උපසිරැසි අරගෙන ආවේ..ඒ කමයි 2023 සැප්තැම්බර් 22 තිරගත වෙලා ඊයේ දිනයේ OTT වෙත මුදා හැරුණු Demon (2023) කියන දමිළ චිත්‍රපටිය..

මේක රචනා කරලා අධ්‍යක්ෂණය කරන්නේ නවක අධ්‍යක්ෂකවරයෙක් වෙන Ramesh Pazhaniivel විසින්..ඒ වගේම R. Somasundaram තමයි මේ චිත්‍රපටයට නිෂ්පාදනයෙන් දායක වෙන්නේ..මේක අයිති වෙන්නේ Horror/Thriller කියන කාණ්ඩ වලට..රේටින්ග්ස් පැත්තට හැරිලා බැලුවොත් මේ වෙද්දි IMDb දර්ශකයේ 8.8/10 ක අගයක් ලබාගන්න මේ චිත්‍රපටියට හැකියාව ලැබිලා තියනවා..ප්‍රධාන චරිත ගැන කතා කරොත් මේකේ කතා නායකයා වෙන විග්නේෂ්ගේ චරිතයට පණ පොවන්නේ Sachin Mani විසින්..ඒ වගේම ප්‍රධාන නිළිය විදියට රංඟනයෙන් එකතු වෙන්නේ Abarnathy තමයි..ඊට අමතරව Sachin Pilgaonkar, Suruthi Periyasamy, Ashvin Raja වගේ නලු නිලි පිරිසක් මේකට එකතු වෙලා තියනවා..ඇත්තටම කිව්වොත් ඔයාලට මේ කාස්ට් එක දිහා බලද්දි හුරු පුරුදු නම් මුකුත් දැකගන්න නොලැබුණාට අලුත් අධ්‍යක්ෂකවරයෙක් තමන්ගේ පළවෙනි චිත්‍රපටිය ⁣විදියට තව නවකයෝ රැසකුත් එකතු ක⁣රගෙන මේ කරපු වැඩේ මොන තරම් දුරට සාර්ථක වෙලා තියනවද කියලා ඔයාලට ෆිල්ම් එකම බැලුවම තේරුම් යයි..

ප්‍රධාන නලු Sachin Mani සහ ප්‍රධාන නිළි Abarnathy

දැන් අපි කතාව පැත්තට පොඩ්ඩක් හැරෙමු..

මුලින්ම කියන්න ඕන මේක ගොඩක් දුරට ඔයාලා දමිළ සිනමාව ඇතුලේ දැකලා තියන කොමඩි එක්ක හොරර් මිශ්‍ර වුණු හොරර් චිත්‍රපටයක්නම් නෙවෙයි..⁣.Horror/Thriller පැත්තට ලොකු නැඹුරුවක් දීලා තියන ෆිල්ම් එකක්..ඒ වගේම මේ ෆිල්ම් එක නිර්මාණය වෙලා තියෙන්නේ සත්‍ය සිදුවීම් වල අභාෂයන් අරගෙන..ඔයාලගෙන් ගොඩ දෙනෙක් අහලා ඇති Burari Deaths ගැන..Burari Deaths කියන්නේ 2018 අවුරුද්දේ දිල්ලි වලට බුරාරි කියන ප්‍රදේශේ එකම පවුලේ 11 දෙනෙක් එකම විදියට එල්ලි මැරුණ ඛේදවාචකයක්..ඒකට හේතුවනම් ඉතින් අන්ධ භක්තිය තමයි..ඔයාලට මේ ගැන ගොඩක් විස්තර දැනගන්න ඕනනම් මේ ඇසුරෙන් නිර්මාණය වුණු House of Secrets: The Burari Deaths කියලා එපි තුනක වාර්ථාමය වැඩසටහනක් තියනවා..ඒක නරඹන්න..ඒකටත් සිංහල උපසිරැසි අපේ වෙබ් අඩවියේ ති⁣යනවා..මම ඒ සිද්ධිය ගැන කියන්න හේතුවුණේ සත්‍ය සිදුවීම් පාදක කරගෙන මේ චිත්‍රපටය නිර්මාණය වෙලා තියන නිසා ඒ සිද්ධියත් ඔයාලට මේකෙදි දැකගන්න පුලුවන් වෙන නිසා..

Burari deaths case එකට අදාළ සැබෑ පවුල

හරි අපි ආපහු කතාවට යමු..

මේකේ ප්‍රධාන කතා නායකයා වෙන්නේ විග්නේෂ්..විග්නේෂ් කියන්නේ චිත්‍රපටයක් නිර්මාණය කරන්න බලාපොරොත්තුවෙන් ඉන්න නව පරපුරේ අධ්‍යක්ෂකවරයෙක්..ඉතින් එයාට තමන්ගේ පළවෙනි චිත්‍රපටය කරන්න අවස්ථාවක් ලැබෙනවා..එයා මේකට තෝරගන්නේ Horror චිත්‍රපටයක්..ඉතින් මේ වැඩේට කාලය යොදවන්න ඕන නිසා තමන් හිටපු හොස්ටල් එකෙන් අයින් වෙලා විග්නේෂ් තනියම ඉන්න ගෙදරක් හොයගෙ යනවා..ඉතින් මෙයාට හම්බවෙනවා එක ෆ්ලැට් එකක්..ඉතින් විශ්නේෂ් තමන්ට නවතින් ඒ තැන අරගන්නවා..ඉතින් ඔහොම ඉද්දි විග්නේෂ්ට එක එක නරක හීන පේන්න ගන්නවා..ඒ සේරම හීන පේන්නේ මේ ගෙදරට සම්බන්ධව..ඉතින් මේ නිසාම මෙයා ඩොක්ටර් කෙනෙක් හම්බවෙන්නත් යනවා..ඒත් ඩොක්ටර් කියන්නේ විග්නේෂ්ට කිසිම ප්‍රශ්නයක් නෑ කියලා..ඒ මොනවා වුණත් මෙයාට මේ හීන පේන එකනම් නවතින්නෙම නෑ…තමන් එල්ලිලා මැරෙනවා පේනවා..කණ්ණාඩිය ඉස්සරහට ගියාම තමන් වයසක මිනිහෙක් වෙලා පේනවා..එක එක විකාර විග්නේෂ්ට පේන්න ගන්නවා..ඔන්න ඔතනින් තමයි කතාව පටන් ගන්නේ..

• ඇත්තටම මොනවද විග්නේෂ්ට මේ පේන හීන?
• මේ ගෙදරයි ඒ සිද්ධි අතරයි සම්බන්ධයක් තියනවද?
• විග්නේෂ්ගේ ජීවිතේට ඉස්සරහට මොකද වෙන්නේ.?

මේ හැමදේකටම උත්තර හොයන්නනම් ඔයාලට ෆිල්ම් එක බලන්නම වෙනවා…ඒ වගේම ඔයාලගේ අදහසුත් පහළින්එ කමෙන්ට් කරන්න අමතක කරන්න එපා..එහෙනම් තවත්උ පසිරැසියකින් හමුවෙන බලාපොරොත්තුවෙන් අදට මම සමුගන්නවා..හැමෝටම,

බුදු සරණයි..

ජය වේවා!!

ලිපිය උපුටා ගැනීම :- Cineru.lk හි පලවූ අංජුල උමේෂ්  සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Demon (2023) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

ඔන්න එහෙනම් තවත් හොද දෙමළ හොරර් චිත්‍රපටියක් තමයි මේ අරන් ආවේ. මේක පවුලේ හැමෝටම රසවිදින්න පුලුවන් නිර්මාණයක්. කලින් පිසා චිත්‍රපටි බලලා තියනවා නම් ඒ ගැම්මෙන්ම මේක බලන්න ලැස්ති වෙන්න නම් එපා. කලින් ෆිල්ම් දෙකේම අන්තිමට අපි නොහිතපු තැනකින් නේ ඉවර කරන්නේ. මේක නම් එහෙම කතාවක් නෙමෙයි. මේ පාර මේ චිත්‍රපටිය සමාන්‍ය හොරර් චිත්‍රපටියක්ම විතරක් කරලා. හැබැයි මේකේ තියන කතාව නම් හොදම විදියේ එකක් කියලා කියන්න ඕනි. කලින් චිත්‍රපටි නොබැලුවා කියලා මේක බලන්න කිසිම අවුලක් නැහැ. චිත්‍රපටියේ නම එක උනාට වෙනස්ම වෙනස් කතා මේකේ තියෙන්නේ…

කතාව ගැන කිව්වොත් පුරාණ ඊජිප්තු මමි බොනික්කෙක් ඉන්නවා මේ බොනික්කාට පුලුවන් පුරහද තියන දවසට ඒ කියන්නේ පෝය දවසට මැරුණ ආත්ම වලට මේ ලොකේට එන්න පාර හදලා දෙන්න. නාලන් කියන්නේ කැම කඩයක් කරන කෙනෙක්. දවසක් මේ කැම කඩේට ආපු කෙනෙක් අතින් මේ මමි බොනික්කාව කඩේ දාලා යනවා. අයිතිකාරයා හොයාගන්න බැරි උන නිසා මේ අය මේක කඩේ රාක්කෙක තියනවා. කොහොම හරි පුරහද පායන රැයක් උදා වෙනවා. එදා රෑ ඉදන් නාලන්ගේ මේ කඩේ ඇතුලේ වෙන්නේ හිනෙකින්වත් නොහිතපු දේවල්…. ඉතින් ඒ මොන වගේ දෙවල්ද? මේ බොනික්කා නිසා පණ ආව ආත්මය ඇයි මේ කඩේ අස්සේ සැරි සරන්නේ වගේ ගොඩක් දේවල් වලට උත්තර දැනගන්න වෙන්නේ චිත්‍රපටිය නැරබුවොත් තමයි…

එහෙනම් ඔයාලට ආරාධනා කරනවා මේ කතාව පහලින් Download කරන් රසවිඳින්න කියලා…

ජය වේවා!!

ලිපිය උපුටා ගැනීම :- Zoom.lk හි පලවූ නුවන්ග ලක්ෂාන් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Pizza 3: The Mummy (2023) Sinhala Subtitles | සිංහල උපසිරසි සමඟ appeared first on SinhalaSub.