ඇත්තටම Melodrama කියන්නේ 19 වන ශත වර්ෂයේ (ඒ කියන්නේ 1800 ගණන් වල) යුරෝපයේ අතිශය ජනප්‍රිය වෙච්ච නාට්‍ය රීතියක්. ඒකෙන් තමයි මේ Melodrama කියන වචනේ එන්නේ. ඇත්තටම Melodrama කියන්නේ හැඟීම් උද්දීපනය කිරීමට සමත් අතිශයෝක්තියෙන් යුත් චරිතයන් සහ ආකර්ෂණීය සිදුවීම් සහිත සංවේදීමය නාට්‍යමය කොටස් ඇතුළත් කියන එක. සරල ව කිව්වොත් අපේ හිත සංවේදී කරන හැඟීම් ඇති කරවන ලස්සන කතාවක් කියන එක. (මේ ටික කිව්වේ දැනුමට හොඳේ. මේ ටික අහල බය වෙන්න එපා. මේක ලස්සන කතාවක් කියන එකයි මට කියන්න ඕන වුණේ.)
 

මේ ෆිල්ම් එක Mark Spragg කියන ලේඛකයාගේ An Unfinished Life කියන නවකතාව ඇසුරෙන් තමයි 2005 දී An Unfinished Life යන නමින්ම සිනමා කෘතියක් බවට පත්වෙලා තියන්නේ. මේක අධ්‍යක්ෂණය කරලා තියන්නේ Safe haven (2013), Hachi: A Dog’s Tale (2009), What’s Eating Gilbert Grape 1993 (මගේ දෙවැනි උපසිරැසිය මම දුන්නේ මේ ෆිල්ම් එකට), Dear John (2010) වගේ ලස්සන ජනප්‍රිය චිත්‍රපට රැසක්ම අධ්‍යක්ෂණය කරපු Lasse Hallstrom කියන දක්ෂ චිත්‍රපටි අධ්‍යක්ෂකවරයා. Leslie Holleran තමයි මේක නිෂ්පාදනය කරලා තියන්නේ. ඒ වගේම Robert Redford, Jennifer Lopez, Morgan Freeman, Josh Lucas, Camryn Manheim, Damian Lewis, Becca Gardner වගේ අතිශය ජනප්‍රිය දක්ෂ නළුනිළියන් රැසකගේ දායකත්වය ලැබිල තියනව. ඒ වගේම Bart the Bear යන නමින් ප්‍රසිද්ධ චිත්‍රපට, ටීවී සීරියස් ගොඩක රඟපාපු වලස් පැංචාත් මේකේ දකින්න ලැබෙනවා.
 

කතාව පැත්තට හැරුනොත් Jennifer Lopez රංගනයෙන් දායකවන ජීන් ගිල්කිසන් කාලෙකට කලින් හදිස්සි අනතුරකින් මිය ගිය ග්‍රිෆින් ගිලිකිසන් කියන එයාගේ ස්වාමිපුරුෂයාගේ ගෙදරට එනවා. ඒ ග්‍රිෆ් කියන එයාගේ අවුරුදු 11 ටිකක් ඇට්ටර හුරතල් දුවත් අරගෙන. ග්‍රිෆින් ගිල්කිසන් මැරෙන්නේ ජීන්ට නින්ද ගිහින් කාරෙක පෙරලිලා. ඒ අනතුරෙන් පස්සේ ගම හැරලා ගිය ජීන් ආය ගමට එන්නේ වෙන මොකුත් නිසා නෙවෙයි ගැරී කියන එයාගේ දැන් ඉන්න මනුස්සයගේ කරදරෙන් ගැලවෙන්න. ගමේ ගොවිපලේ ගෙදර ජිවත් වෙන්නේ අයිනර්. අයිනර් ගිල්කිසන් කියන්නේ මැරුණ ග්‍රිෆින්ගේ තාත්ත. එයා එයාගේ ගොවිපොළෙන් දිවි රැකගෙන ජිවත් වෙන්නේ. ඒ වගේම මැරුණ පුතා ගැන කණගාටු වෙමින් ඉන්න කෙනෙක්. ඒවගේම අවුරුද්දකට කලින් වලහෙක්ගෙන් පහර කාල එකතැන් වෙලා ඉන්න අයිනර්ගේ යාළුවා අසල්වැසිය සහ එකම නෑදෑය තමයි මිච්. මිච්ට පන දෙන්නේ Morgan Freeman රංගවේදියා. තව කතාව කිව්වොත් මේකේ රසය නැතුව යනවා. ඉතින් හදිස්සියේ ගෙදරට එන මිණිබිරී සහ ලේලි එක්ක ගොවිපොළේ ජිවිතේ මොකක් වෙයිද? ඒකට ෆිල්ම් එක බලන්න කියල ආරාධනා කරනවා.
 

“ඔයා හිතන විදියට මැරුණු අය ඇත්තටම අපේ ජිවිත දිහා බලන් ඉන්නවද?”

“ඔව්. මං හිතන්නේ ඒ ගොල්ලෝ බලන් ඉන්නව. මං හිතන්නේ ඒ ගොල්ලෝ අපේ පව් වලට සමාව දෙනවා. මං හිතන්නේ ඒක ඒ ගොල්ලන්ටත් ලේසි.”

මේ ෆිල්ම් එකේ තියන දෙබසක්. මේක හිතේ තියාගෙන බලන්න ෆිල්ම් එක බැලුවම මේ දෙබස මොකද්ද කියල තේරේවි. ඔය මදැයි එහෙනම්. විනාඩි 108 පුරා ගලා යන ලස්සන කතාවක්.
 

මේකට මාව උනන්දු කරලා, උදව් කරපු තාරුකා නංගිවත් ආදරෙන් මතක් කරනවා. ඉතින් ලිපියේ හරි සබ් එකේ හරි මොනවා හරි අඩුපාඩුවක් තියනව නම් කොමෙන්ටුවකුත් දාගෙනම යන්න අමතක කරන්න එපා කියල කියන ගමන් මම සමුගන්නවා.

ජය වේවා!!

ලිපිය උපුටා ගැනීම :- Baiscope.lk හි පලවූ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post An Unfinished Life (2005) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් යාලුවෝ හැමෝටම.

අද අරගෙන ආවේ සුපිරි ක්‍රයිම්,ත්‍රිලර් ගනයට අයත් මූවි එකක්.

Blood for dust කියන්නේ 2023 ජූනිවල රිලීස් උන ෆිල්ම් එකක්.ඉතින් අපි කවුරුත් ආස Game of thrones කතා මාලාවේ ජෝන් ස්නෝ චරිතයට පන පෙව්ව Kit Harington රගපාන මේ ෆිල්ම්  එකේකතාව කෙටියෙන් මං මෙහෙම කියන්නම්.

සංචාරක වෙළෙන්දෙක් වෙන ක්ලිෆ් එයාගේ අසනීප දරුවා වගේම පවුලට ඕනි පහසුකම් සැපයීමේ බරින් ගිලී ඉන්නවා. ඉතින් ඒ නිසා සල්ලි හොයාගන්න ක්ලිෆ් අඳුරු අතීතයක් තියෙන යාලුවෙක් එක්ක අහම්බෙන් හම්බුනාට පස්සේ එයාගේ ජීවිතේ වෙනස් වෙනවා මීට වඩා කතාව ගැන කියන්න යන්නේ නෑ එයා ඉස්සරහට මොන වගේ දෙයක් කරයිද කියලා දැනගන්න නම් කතාව අරගෙනම බලන්න වෙනවා..එහෙනම් කතාව අරගෙන රසවිදින්න.

The post Blood for Dust (2024) Sinhala Subtitles | සිංහල උපසිරසි සමඟ appeared first on SinhalaSub.