මාධ්‍යවේදීයෙකු සතු වූ සමාජ වගකීම අසීමිතය. ඒ වෙනුවෙන් ඔහු විසින් සිදු කරනු ලබන කැපවීම හුදු වචනවලට සීමා කළ නොහැකිය. වර්තමානයේ පවතින ධනවාදී ආර්ථික ක්‍රමයත් සමඟ ජනමාධ්‍ය ව්‍යාපාරික ස්ථාන බවට පත්ව ඇත. එම නිසාම ජනමාධ්‍ය සිය සමාජ වගකීම පසෙකලා සිය පෞද්ගලික න්‍යාය පත්‍ර අනුව කටයුතු කරමින් සිටිති. එවැනි පසුබිමක ඒංගල්ස් රාමසාමි නමැති මාධ්‍යවේදීයා තමන් ජීවත් වන ගම්මානය අවට සිදු වන මහා පරිමාණයේ ඉඩම් මංකොල්ලය සම්බන්ධයෙන් කෙතරම් හෙළිදරව් කළ ද ඉන් පළක් නොවීය. නමුත් ඔහු සිය උත්සහය කිසිදු අවස්ථාවක අතනොහැර කටයුතු කිරීමත් විශේෂත්වයකි. එමෙන්ම ඔහු සේවය කරනු ලබන්නේ සාමාන්‍ය රූපවාහිනි නාළිකාවක ප්‍රාදේශීය වාර්තාකරුවකු ලෙසය. මෙවැනි රූපවාහිනි නාලිකාවන් හරහා කෙතරම් හොඳ වැඩසටහන් සහ අපක්ෂපාති ප්‍රවෘත්ති ඉදිරිපත් කළ ද ජනතාව හුරුවී සිටින්නේ සුප්‍රසිද්ධ නාලිකාවල විකාශය කරන විනෝදාස්වාදය ලබා දෙන වැඩසටහන් නැරඹීමටය. එවැනි වැඩසටහන් නරඹමින් ඒවාට දොස් පවසන තවත් පිරිසකුත් සමාජය තුළ සැරිසරන බවත් මතක් කළ යුතුය. ඔවුන් ද රැල්ලකට යමින් එවැනි වැඩසටහන් නරඹමින් මාධ්‍ය භාවිතයේ ඇති වැරදි අඩුපාඩු පෙන්වා දීම විහිළුසහගතය. මෙවැනි නාලිකා ප්‍රතික්ෂේප කරමින් ඉහත සඳහන් සාමාන්‍ය නාලිකා කරා වෙනස් වන්නේ නම් සුප්‍රසිද්ධ යැයි කියාගන්නා මාධ්‍ය ආයතනවලට දැඩි පහරක් එල්ල වනු ඇත. මෙම චිත්‍රපටිය තුළින් අධ්‍යක්ෂකවරයා එම කරුණ සෘජුවම නොපවසා වක්‍රව ප්‍රකාශ කර ඇත්තේ, ඔහුගේ අතීත අත්දැකීම් සමග විය යුතුය. මෙහි සම අධ්‍යක්ෂකවරයකු වන ආර්.ජේ බාලාජී කලක් තමිල්නාඩුවේ ජනප්‍රිය ගුවන්විදුලි වැඩසටහන් රැසක් මෙහෙයවූ නිවේදකයෙකි.

නොයෙකුත් පීඩා මධ්‍යයෙහි ජීවත් වන ජනයා හට මානසික සහනයක් ලබා දෙනු ලබන්නේ ආගමික විශ්වාස පමණය. එහෙත් දෙවියන් කෙරෙහි ඇති විශ්වාසය බිඳි ගිය විට ජනයා මිථ්‍යා විශ්වාස පසුපස හඹා යන්නෝය. එසේ නොමැති නම් තම ප්‍රශ්න දෙවියන් හට ඉදිරිපත් කිරීමට අතරමැදි පුද්ගලයෙකුගේ පිහිට පැතීමක් ද දක්නට ලැබේ. මෙය ප්‍රයෝජනයට ගැනීමට විශාල පිරිසක් මග රැකගෙන සිටින බව අප අමුතුවෙන් කිව යුතු කාරණයක් නොවේ. මෙලෙස අතරමැදියන් ලෙස කටයුතු කරන පුද්ගලයින් ඔවුන්ව රවටා එම පුද්ගලයින් සතුව තිබු සියලුම ධනය තමන්ගේ පඬුරු පෙට්ටිවලට දමා ගත් සිද්ධින් ද අසීමිත ලෙස වාර්තාවී ඇත. යම් ආයතනයක් ආගමික සහ සංස්කෘතික අමාත්‍යංශය යටතට එකතු වන්නේ නම් එම ආයතනය ආදායම් බදුවලින් නිදහස් වන බව සත්‍යයකි. මෙවැනි ආශ්‍රමයන් හරහා කළු සල්ලි සුදු කිරීමේ ජාවාරමක් රැගෙන යන බව ද කවුරුත් දන්නා රහසකි. මෙවැනි තත්ත්වයක් තුළ පංචවනම් නමින් අක්කර 11,000ක ව්‍යාපෘතියක් ආරම්භ කරන භගවදි බාබා නමැති පූජකවරයා විසින් ආගමික මධ්‍යස්ථානයක් ස්ථාපිත කරන බව පවසමින් සිදු කරන මෙම කූඨ උපක්‍රමය ව්‍යාර්ථ කිරීමට දියත් කරන සටනක් ලෙස මෙම චිත්‍රපටිය හඳුන්වා දිය හැකිය.

කාන්තාවන්ට මෙන්ම පිරිමින්ට ද කෝවිලේ වැඩ කටයුතු අකැපය. ඒ වෙනුවෙන් දෙවියන් බලය පවරන ලද වෙනත් පිරිසක් සිටින බවට මෙම සමාජය තුළ අතීතයේ සිට මතයක් මුල් බැසගෙන ඇති බව අප කවුරුත් දනිමු. නමුත් එම මතයට මෙම චිත්‍රපටිය හරහා සියුම් පහරක් වැදුණා යැයි කීමට හැකිය. සිය කුල දෙවියන්ගේ කෝවිලට යන රාමසාමි නමැති සාමාන්‍ය තරුණයා කෝවිල තුළ දූවිලි බැඳි තිබු දේව ප්‍රතිමා ශුද්ධ පවිත්‍ර කරනු ලබයි. එමෙන්ම කෝවිලේ පැවැත්වෙන සියලු පුද පූජා කාන්තාවක විසින් සිදු කරනු ලබන ආකාරයේ දර්ශන කිහිපයක් ද චිත්‍රපටියට ඇතුළත් කර තිබුණි. අපට ඇති වන දෝෂවලින් ආරක්ෂා වීමට විවිධ පාෂාණ සහිත මුදු පැළඳීම, සුර පැළඳීම වැනි කරුණුවලින් ලැබෙන ආරක්ෂාවට වගකීමක් ලැබෙන බවට වගකීම් සහිතකයක් අදාළ පූජකවරයා විසින් නිකුත් කළ හැකි දැයි ඇසු ප්‍රශ්නය එවැනි පිරිස් වෙත එල්ල කළ විශාල පහරක් ලෙස පැවසිය හැකිය. නිවස ආලෝකමත් කිරීමට ගන්නා විදුලි බුබුළකට පවා මාස හයක වගකීම් සහතිකයක් නිකුත් කෙරුණ ද, දහස් ගණන් මුදල් වියදම් කරමින් පළඳින සුර සහ මුදුවලින් ලැබෙන ආරක්ෂාව සම්බන්ධයෙන් නැගු ප්‍රශ්නය ප්‍රශංසා කළ යුතු කරුණකි. බගවත් ගීතය, බයිබලය සහ කුර්ආණය ඇතුළු ආගමික ග්‍රන්ථ නිවැරදිව පරිශීලනය නොකරන පිරිස් මෙවැනි පූජකරුවන් පසුපස හඹා යමින් ද මිථ්‍යා විශ්වාසයන් අනුව කටයුතු කරමින් සිටින බව ද මෙම චිත්‍රපටිය හරහා සාකච්ඡාවකට ලක් කිරීම ප්‍රශංසා කළ යුතු කරුණකි. එමෙන්ම ආගමික පාසල් තුළින් අන්‍යාගමික දරුවන්ගේ සිත වෙනස් කරමින් තම ආගම වැළඳ ගැනීමට අනුබල දීමේ ක්‍රියාවලි රැසක් ඉන්දියාව තුළ සිදු වන බව විවිධ මාධ්‍ය වාර්තා කර තිබුණි. මෙම චිත්‍රපටිය තුළින් එවැනි කරුණු සම්බන්ධයෙන් ද ඉතා සියුම්ව පෙන්වා දී ඇති ආකාරය දැකගත හැකි විය. එය කිසිවෙකුට හානියක් නොවන අයුරින් ඉදිරිපත් කිරීමට අධ්‍යක්ෂකවරයා දැක්වූ දක්ෂතාවය සුවිශේෂීය.

තමන් මුහුණ දෙනු ලබන කරදරවලින් බේරියාමට උත්සහ කරනු ලබන ජනයා විවිධ දෙවිවරුන්ගේ පිහිට පතා යන අතර ඉන් කිසිදු සහනයක් නොලැබීම තුළින් වෙනත් දෙවිවරුන්ගේ පිහිට සොයා යාම වෙනුවෙන් තමන් තුළ සිටින දෙවියන් හඳුනා ගත යුතු බවට පවසන සංකල්පය අවසානයේදී ප්‍රේක්ෂකයා හමුවේ තැබීමට මූකුත්ති අම්මන් (Mookuthi Amman) චිත්‍රපටි කණ්ඩායම උත්සහ ගෙන ඇත. ඉන් ඔවුන් ජයගෙන ඇතැයි පැවසීමට හැකිය. එමෙන්ම දෙවියන් වෙත තම දුක පැවසීමට අතරමැදියෙකු එසේ නොමැති නම් කපුවෙකුගේ අවශ්‍යතාවයක් නොමැති බවත්, දෙවියන්ට සිය දුක සෘජුවම පැවසිය හැකි බවත් මෙම චිත්‍රපටිය තුළින් පුළුල් ලෙස සාකච්ඡා කර තිබුණි. එමෙන්ම නොයෙකුත් ආගමික විශ්වාසයන් සම්බන්ධයෙන් උපහාසාත්මකව පෙන්වා දී තිබු ආකාරයක් ද දැකගත හැකි විය. එමෙන්ම අප සතුව කෙතරම් වස්තූන් තිබුණ ද කිසිදු දිනක මිනිස් සිත ඉන් තෘප්තිමත් නොවන බවත් මෙම චිත්‍රපටියේදී සාකච්ඡා කර තිබුණි.

මෙම චිත්‍රපටියේ මූකුත්ති අම්මන්ගේ චරිතය ලේඩි සුපර් ස්ටාර් ලෙස හඳුන්වන නයන්තාරා විසින් නිරූපණය කරන ලදි. මෙහි ඇති සුවිශේෂි කරුණ නම් කලකට පසුව ඇය සුපුරුදු රිද්මය වෙත පැමිණ තිබීමයි. එමෙන්ම දෙවියන්ගේ චරිතයට ගැළපෙන අයුරින් ඇඳුම් නිර්මාණය කර තිබු ආකාරයත් දැකගත හැකිව තිබුණි. එම නිසාම චිත්‍රපටියෙහි වර්ණවත්බාවය ඉස්මතු වූ ආකාරයක් ද හැකිය හැකි විය. රාමසාමිගේ චරිත නිරූපණය කළ බාලාජී ද සිය සුපුරුදු වාග් ප්‍රහාරයන් එල්ල කළේය. නමුත් ඔහු තමන්ව යම්තාක් දුරට පාලනය කරගෙන සිටි ආකාරයක් දැක ගත හැකි විය. මෙවැනි මාතෘකාවක් සම්බන්ධයෙන් චිත්‍රපටියක් නිෂ්පාදනය කිරීමේදී මුහුණ දිය යුතු ප්‍රශ්න සම්බන්ධයෙන් මනා අවබෝධයකින් ඔහු කටයුතු කර තිබු ආකාරයක් දැකගැනීමට තිබුණි. වීදුරු මාලිගාවක් බඳු මෙම චිත්‍රපටිය කිසිදු සීරීමකින් තොරව ප්‍රේක්ෂකයා හමුවේ තැබීම සම්බන්ධයෙන් අධ්‍යක්ෂකවරයා ඇතුළු පිරිසට ස්තූතිවන්ත විය යුතුමය.

මෙම චිත්‍රපටියේ ප්‍රධාන චරිතය වන මූකුත්ති අම්මන්ගේ චරිතය නිරූපණය කිරීම සඳහා ප්‍රථමයෙන් අනුෂ්කා ශෙට්ටි සහ නයන්තාරා සමඟ සාකච්ඡා කර තිබුණ ද ඔවුන් දෙදෙනාම එම චරිතය භාරගැනීමට අකමැත්ත ප්‍රකාශ කළහ. අනතුරුව ශ්‍රැති හාසන් ද මෙය භාරගැනීමට අකමැති වූවාය. අනතුරුව නයන්තාර විසින්ම මෙම චරිතය භාරගැනීමට කැමැත්ත පළ කළාය. එමෙන්ම මෙම චිත්‍රපටියෙහි දර්ශන කිහිපයක් සඳහා මනෝබාලා සහ ගෞතම් කාර්තික් එක්ව සිටිය ද ඔවුන් සිටි දර්ශන සංස්කරණ කර තිබීමත් විශේෂත්වයකි. අතීත දේව කතාවලට සාපේක්ෂව බොහෝ වෙනස්කම් තිබුණ ද මෙය ඉතා කාලෝචිත චිත්‍රපටියක් ලෙස හඳුන්වාදීමට කැමැත්තෙමි.

ලිපි සැකසුම : ජෙගන් ගනේෂන් 

ලිපිය උපුටා ගැනීම :- Cineru.lk හි පලවූ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Mookuthi Amman (2020) Sinhala Subtitles | සිංහල උපසිරසි සමඟ appeared first on SinhalaSub.

The post Naane Varuvean (2022) Sinhala Subtitles | සිංහල උපසිරසි සමඟ appeared first on SinhalaSub.

ඊෂ්වර් අවුරුදු 28ක,IT සමාගමක් වැඩ කරන තරුණයෙක් . එයාගේ බිරිඳ ආතිකා .එයාට ළමයෙක් ලැබෙන්න ඉන්නේ . මේ දෙන්නා කසාද බැඳලා තියෙන්නේ ගෙවල් දෙකේම අකමැත්තෙන් .ඒ නිසා ඊශ්වරගේ අම්මා ඇරෙන්න මේ අයට වෙන කා එක්කවත් සම්බන්ධයක් නෑ . ළමයෙක් ලැබෙන්න ඉන්න නිසාවත් එයාගේ දෙමව්පියෝ එයාට කතා කරයි කියලා හිතුවත් ඒ අයකතා කරන්නේ නෑ .ඒ මොන දේ වුනත් ඊශ්වර් හැමවෙලේම ආතිකාව සතුටින් තියන්න උත්සහ කරන හොද සැමියෙක් .

මේ දෙන්නා චෙන්නායි වල කුලියට පදිංචි වෙන්න එනවා.ඒ අය පදිංචියට එන ගෙදරට පහල ගෙදර ඉන්නේ ඉලම්පරුතියි,එයාගේ දුවයි, බිරිඳ යි. ඉලපරුති කියන්නේ කලෙක්ටර් කෙනෙක් .මෙයා කාගෙන්වත් පගාව ගන්නේ නැති,නීතියට වැඩ කරන රජයේ සේවකයෙක් . මොනා උනත් ඉලම්පරුති ලෝබ ,අහංකාර,ගෞරවය ගැන ගොඩක් හිතන කෙනෙක් .එයා ගෙදරට ඕන බඩුවක්වත් ගේන්නේ නෑ ,කැඩුනොත් ඒක හදලා ආයෙම පාවිච්චි කරන්න කියනවා. ඉලම්පරුති ගෙදරට වියදම් කරන්නේ නැති එකට හේතුව විදියට කියන්නෙ එයා දුවගේ කසාදෙට ඉතුරු කරනවා කියලා. ඉලම්පරුතිට ගොඩක් පරණ බයිසිකලයකුත් තියෙනවා.

ඉලම්පරුති එතන පදිංචියට ඇවිල්ලා අවු10 ක් තිස්සේ ,ගෞරවයෙන් ජීවත් වෙන කෙනෙක් .කොහොම හරි මේ දෙගොල්ලා මාස කීපයක් සහයෝගයෙන් ඉන්නවා.ඊශ්වර් ටික කාලයක් යනකොට ආතිකා වෙනුවෙන්ම අලුත් කාර් එකක් ගන්නවා .එතනින් පස්සේ තමයි ප්‍රශ්න පටන් ගන්නේ .කාර් එකයි බයික් එකයි නවත්තන්න මේ ගෙවල් දෙකට ම තියෙන්නේ එක තැනයි. ඒත් එතන කාර් එකයි බයික් එකයි දෙකම නවත්තන්න ටිකක් අමාරුයි .එතනින් පස්සෙර් මොකද වෙන්නේ කියලා ෆිල්ම් එක බලලම දැනගන්න .

ජය වේවා!!

ලිපිය උපුටා ගැනීම :- Cineru.lk හි පලවූ චමේලි ඒකනායක  සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Parking (2023) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

මේ වසරේ දකුණු ඉන්දීය සිනමා ක්ෂේත්‍රයේ දමිළ සිනමාවෙන් නිර්මාණය වුන Drama/Mystery/Thriller වර්ගීකරණයට අයත්වන තවත් ‧ සුවිශේෂි චිත්‍රපටයක් තමයි Magamuni කියන්නේ.! ඇත්තටම මේ චිත්‍රපටයක්ද..? නැතිනම් ජිවිතයේ මඟපෙන්වන තවත් විදියක දේශනාවක්ද..? ඔය ප්‍රශ්නයට උත්තර චිත්‍රපටය බලන විටදි පවා සොයාගැනීමට අපහසුවෙයි.! (මා‍ගේ පෞද්ගලික අදහස) ඉතින් ඒ වගේ සුවිශේෂිවු සිනමා නිර්මාණයක් නැතිනම් සාම්ප්‍රදායික නොවන සිනමා නිර්මාණයක් ගැන සාම්ප්‍රදායික පුරුදු විදියට විස්තර කිරිම යෝග්‍ය වන්නේ නැති යැයි සිතා වෙනස් ආකාරයකින් සිනමාපටය ගැන විස්තර ඉදිරිපත් කිරිමටයි මේ සුදානම.! එසෙනම් චිත්‍රපටය ගැන සමාලෝචනයක් ( Review) කියවීමට සුදානම් වෙන්න.

අධ්‍යක්ෂකවරයා ගැන…

හැම සාර්ථක සිනමා නිර්මාණයකම මුදුන්මල්කඩ වන්නේ තිරපිටපතම බව මනාව පසක් කරමින් මේ සිනමාපටයෙ අධ්‍යක්ෂකවරයා මෙන්ම රචනයද කල ඔහු නමින් සාන්තකුමාර් ය. මේ ඔහුගේ දෙවැනි සිනමා අධ්‍යක්ෂණයයි ඔහුගේ ප්‍රථම සිනමා අධ්‍යක්ෂණය සහ රචනය Mouna Guru 2011 සිනමාපටය වේ. පලමු සිනමාපටයෙන් අනතුරුව දිගු නිහැඬියාවකින්ද පසු ඇති තරම් කාලය ගෙන මෙවර ඔහු පැමිණ ඇත්තේ ඉතාමත් විශිෂ්ඨ අද්විතීය සහ උසස් මට්ටමේ සිනමා නිර්මාණයක් සමඟින්.! චිත්‍රපටයේ චරිත නිරෑපණය,චරිතයන් සඳහා ලබාදී තිබෙන එක් එක් කාර්ය්‍යභාර්ය්‍ය,සුක්ෂම දෙබස් සහ චිත්‍රපටයෙන් සමාජයට නිකුත් කරන ගැඹුරු පණිවිඩය යන දේවල් ඉතා උසස් තියුණු සහ දැඩි තීරණාත්මකව නිර්මාණය කර තිබෙන බව පැවසීය යුතුම කාරණාවක් වේ.කිසිඳු විටක ඔහු තම කතාව පැවසීමට ඉක්මණ්වී නැති බවත් පෙනෙන කරුණක්.!

ආර්යාගේ අද්විතීය රංගනය.!

මේ සිනමාපටය අර්යාගේ රංගන දිවියේ එක හැරවුම් ලක්ෂයක්ම වන බව අවිවාදයෙන්ම කිව යුතු කරුණක්.! බොහො දෙනාද පවසා ඇත්තේ මේ ඔහුගේ රංගන දිවියේ හොඳම රංගනය මෙය බවය. ද්විත්ව චරිතයන් රඟදක්වන ආර්යා මින් පෙර ඔහු විසින් රඟපෑ සිනමාපටවල තමන් හොබනවන ලද චරිතයන්ට වඩා හාත්පසින්ම වෙනස්ම ආරකින් තම ප්‍රේක්ෂකයින් හමුවට මෙවර පැමින තිබෙනවා. ඔහුගේ එම සුවිශේෂිම රංගනය චිත්‍රපටයේ් කතාවට හොඳින් සම්බන්ධ වී විශාල පෙරලියක්ද ඇති කර තිබෙනවා.ආර්යා මහත් සංයමයෙන් තම චරිතයට හොඳ සාධාරණයක්ද ඉටුකර තිබෙන බව හොඳින්ම දකින්නට ලැබෙනවා.

පසුබිම් සංගීතය…

චිත්‍රපටයේ පසුබිම් සංගීතයද තිරපිටපත,අධ්‍යක්ෂණය සහ චරිත නිරූපණය යන දේවල් සමඟ සමාන්තර ලෙසින් ගලාගෙන යනවා S. Thaman නම් වු සංගීත අධ්‍යක්ෂකවරයා‍ විසින් මේ චිත්‍රපටය සඳහා සකසන ලද පසුබිම් සංගීතය නිසාවෙන් චිත්‍රපටය තවත් ඔපමට්ටම් වී ඉතාමත් හොඳ අලංකාරත්වයක්ද එකතු කොට ඔහුද චිත්‍රපටයේ තමන්ට පැවරි තිබෙන වඟකීම අකුරටම ඉටුකිරිමට සමත්ව තිබෙනවා.එමගින් චිත්‍රපටයේ කතාවට හොඳ අරුතක් ගෙන එන බවද කිවයුතුම කරුණක්..!

නිලියන් සහ අනෙකුත් සහය නළුවන්..!

ප්‍රධාන කාන්තා චරිතයන් හොබවන Indhuja Ravichandran සහ· ‎Mahima Nambiar යන නිලියන්ද තම චරිතයන් සහ ඒවායේ භූමිකාව හොඳින් වටහාගෙන තම තමන් නිරූපණය කරනා චරිතයන්ට මහඟු ලෙස සාධාරණයක් ඉටුකිරිමට හොඳින් වඟබලාගෙන තිබෙනවා.සෙ‍සු සහය නළුවන්ද තම චරිතයන් මැනැවින් වටහාගෙන තමන්ගේ චරිතයන්ට සාධාරණයක් ඉටුකරමින් ඔවුනට පැවැරුන වඟකීම අකුරටම මෙන්ම සාර්ථකවද ඉෂ්ට සිද්ද කර තිබෙනවා.

විචාරක සමාලෝචනයන්…

එසෙනම් තවත් විස්තර දැක්වීමට බලාපොරොත්තු වෙන්නේ නෑ චිත්‍රපටය සඳහා ලැබී තිබෙන විශේෂිත විචාරයන්,සමාලෝචනයන් එකම තැනකට ගෙනැවිත් ඉහතින් දක්වා තිබෙනවා. ඒ අනුව ඔබට සිනමාපටය නරඹනවාද.? නැද්ද.? යන්න තීරණය කරගත හැකියි.චිත්‍රපටය නරඹා නැවතත් පැමිණ ඔබත් ඔ‍බගේ අදහස් දක්වා යන්නට අමතක කරන්නත් එපා.! කිසිම අකාරයකින් තවත් චිත්‍රපටයන් හා සම්බන්ධකරමින් අඩුපාඩු දක්වමින් ඉහලින් වර්ණනා‍ කර නැරඹිය යුතුම එකක් ලෙස නිර්දේශ කරලා නෑ. තෝරාගැනීමට ඔබටම අවස්තාව ලබාදී තිබෙනවා.

ජය වේවා!!

ලිපිය උපුටා ගැනීම :- Baiscope.lk හි පලවූ ඉන්ද්‍රජිත් උදය කුමාර සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Magamuni (2019) Sinhala Subtitles | සිංහල උපසිරසි සමඟ appeared first on SinhalaSub.