සුභ දවසක් හැමොටම!!

ආයුබෝවන් හැමෝටම ඔන්න තවත් මලයාලම් චිත්‍රපටයක් අරගෙන ආවා…

මේක නම් ටිකක් පරණ මලයාලම් එකක්. හැබැයි සුපිරියක්?…

මේක Crime & Thriller ජාතියේ එකක්. මේක රිලීස් වෙලා නම් ටික කාලයක් වෙනවා.. ඔරිජිනල් භාෂාව මලයාලම්…

මේක අධ්‍යක්ෂණය කරන්නේ Kannan Thamarakulam කියන අධ්‍යක්ෂක වරයා විසින්.. ඒවගේම මේකෙ ප්‍රධාන චරිතය කරන්නේ මං ගොඩක් ආස නළුවෙක් වන Unni Mukundan ? සුපුරුදු පරිදි උන්නිගේ ඇක්ටින් හොද මට්ටමක තිබුන.. ඒවගේම ස්ටෝරි එකත් සුපිරි.. අවසන් වෙනකම් හොද Thrill එකක් තිබ්බා ?

Cast

◆ Unni Mukundan as Arjun Ram Mohan

◆ Anoop Menon as Iqbal IPS

◆ Shruti Ramachandran as Andrea/Miya

◆ Shivada Nair as Irene

◆ Hareesh Perumanna as Avinash

◆ Niyaz Musaliyar as Gokul

විස්තරේ චුට්ටක් කියන්නම් ?

අර්ජුන් කියන්නේ අපරාධ විද්‍යා උපාදියක් අරන් රහස් පරික්ෂකයෙක් වෙන්න ආසාවෙන් ඉන්න කොල්ලෙක්.. ඉතින් මෙයා පෞද්ගලික රහස් පරීක්ෂණ ආයතනයකට එකතුවෙලා වැඩ කරන්න ගන්නවා.. ආයතනය කරන් යන්නේ ලස්සන කෙල්ලෙක්.. කෙල්ලත් පොඩ්ඩක් මෙයාට ලයින් ඉතින් ? මෙයාට මෙහෙදී කරන්න තියෙන වැඩේ තමයි එක්තරා මිනිස්සු 4 දෙනෙක්ගෙ විස්තර දෙනවා.. එයාලව ෆලෝ කරලා, එයාල කරන කියන දේවල් සේරම දැනුම් දෙන එක… මෙයා ඒ වැඩේ සාර්ථකව ඉවර කරාම හදිස්සියේ මේ මිනිස්සු 4 දෙනා එකින් එකට මැරෙන්න ගන්නවා… ඒවත් හදිස්සි අනතුරු වලින්.. කොටින්ම කියනවා නම් මේක මිනීමැරුමක් කියලා අර්ජුන්ටත් තේරෙනවා.. ඊටපස්සේ

◆ මේ මිනී මැරුම් වලට අර්ජුන් මාට්ටු වෙයිද..

◆ මිනී මරුව කව්ද කියලා අර්ජුන් හොයා ගනීද…

◆ තවත් වෙන මිනීමැරුම්ල වළක්වන්න අර්ජුන්ට පුළුවන් වෙයිද…

මේ සේරම දැනගන්න මේ සුපිරි Thriller ෆිලුම බලන්න කියලා හැමෝටම සිංහලසබ්නෙට් අපි ආදරෙන් ආරාධනා කරනවා…

අදට ගිහින් එන්නම්. හැමෝටම බුදුසරණයි!! ජේසු පිහිටයි!!

Sinhalasub.net එක්කම ඉන්න. අලුත්ම ෆිල්ම්ස් බලන්න??…

ජය වේවා!!

ලිපිය උපුටා ගැනීම :- Cineru.lk හි පලවූ ශාන් සසංග (ශානා) සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

සුභ දවසක් හැමෝටම!!

“කන්නාඩික්කල්”
ආදී ජනප්‍රවාද කතා වලින් අපිට ඇහිලා තියනවා වගේ,
අප්‍රමාණ වීර රණශූරයන්ට උපත ලබා දුන් බිම.
ගුස්ති ශූරයන්ගේ බිම .
ඔවුන්ගේ වීරත්වයෙන් විනෝද වුන බිම.
ගුස්ති මිනිසුන්ගේ ලේ තුලටම කිඳා බැස තිබූ අවධියේ ,
ජීවිත කාලය ඇතුලත ගුස්ති අල්ලපු නැති කෙනෙක් මේ රටේ ඉඳපු නැති තරම්.
ඇත්තෙන්ම හිටියේ නෑ.
කන්නාඩික්කල් මැද තිබුන “මනයත්” ගුස්ති භූමියටරටේ සිව් දෙසින්ම ,
ගණන් කල නොහැකි තරම් විශාල සෙනඟක් ගුස්ති ඇල්ලීමට ඇවිත් තිබෙනවා.
හනුමාන් දෙවියන් නමදිමින්,
තෙල් ගැල් වූ , යකඩ මෙන් , ශක්තිමත් වූ ශරීරයත් සමඟ,
උඩු රැවුල කරකවමින්,
පුළුල් පපු තලයකින් යුතුව,
ගුස්ති බිමට පය තියනුයේ ඕනම දෙයක් කිරීමට සුදානමින්.
දීප්තිමත් දෑසෙන් බලන ඒ බැල්මම,
හිත ගොඩක් කලබල කරනවන සුළුයි.
ගුස්ති මෙයාලට විනෝද ක්‍රීඩාවක්
විතරක්ම නෙමෙයි.
ඔවුන්ගේ ජීවිතය.

ඒත් කාලය වෙනස් වෙලා ,
විනෝදය වෙනස් වෙලා ,
සිතුවිලි වෙනස් වෙලා ,
කැමති දේ වෙනස් වෙලා ,
හැම දෙයක්ම වෙනස් වෙලා.
ගුස්ති කියන්නේ , ඔලිම්පික් වලින් ඉන්දියාවට පදක්කම් ටිකක් දිනලා දෙන ක්‍රීඩාවක්ම විතරක් වෙලා.
ඒකත් උතුරු ඉන්දියානුවන්ගෙන්.
දක්ෂ ගුස්ති කරුවන්ගේ විජයග්‍රහණ දුටු මේ “මනයත්” බිම ,
මේ ගුස්ති භූමිය
කීර්තිමත් ගුස්ති අතීතයේ මහිමය කියාපාන සිහිවටනයක්.
ඒ ගාම්භීර යුගය හදවතේ රඳවාගන ,
ඒ සම්ප්‍රධාය ගැන ආඩම්බර වෙන මිනිසුන් තවමත් මෙහෙ ඉන්නවා.
මේ ඔවුන්ගේ කතාවයි!

අද අරගන ආවේ 2017 මැයි 17 දින තිරගත වීම අරඹන ලද Godha (2017) චිත්‍රපටය. Sports/Drama කාණ්ඩයට අයත් වන මෙම මලයාලම් සලරුව IMDB 7.5/10 හිමි කර ගැනීමට සමත් වෙලා තියනවා. ඉන්දියානු රුපියල් කෝටි 30.6 ක Box office අදායමක් සමඟ 2017 වර්ෂයේ වාණිජමය අතින් සාර්ථක වූ මලයාලම් චිත්‍රපට අතර ඉහලම ස්ථානයක වැජඹෙන මෙම සිනමාපටය ඉතා ඉහල ප්‍රේක්ෂක ප්‍රතිචාර සහිතව සිනමා ශාලා තුල දින 90ක් පමණ තිරගත වී තිබෙනවා.

චිත්‍රපටය අධ්‍යක්ෂණය කරලා තියෙන්නේ Basil Joseph විසින්. කතාව ලියල තියෙන්නේ Rakesh Mantod විසින්. ඒ වගේම සංගීත අධ්‍යක්ෂණය කරලා තියෙන්නේ Shaan Rahman විසින්. ප්‍රධාන නළුවා වශයෙන් Tovino Thomas ද, ප්‍රධාන නිළිය වශයෙන් Wamiqa Gabbi ද රංගනයෙන් දායක වෙලා තියනවා. Oru Mexican Aparatha(2017) චිත්‍රපටය බැලුව නම් Tovino Thomas නොදැන ඉන්න විදියක් නෑ.

මල්ලව පොර ක්‍රීඩාව වටා ගෙතී තිබෙන මෙම සලරුව ආරම්භයේ සිට අවසානය දක්වා කිසිම කම්මැලි කමක් නැතුව එක හුස්මට බලන්න පුළුවන් චිත්‍රපටයක් විදියට සහතික කරනවා.

ජය වේවා!!

ලිපිය උපුටා ගැනීම :- Baiscope.lk හි පලවූ SPD සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

මේ ලෝකය හරිම සංකීර්ණ දෙයක්. මිනිස් ඇසට නොපෙනන දේවල්, මිනිස් මොළයට තේරුම්ගත නොහැකි දේවල්, අනන්ත අප්‍රමාණ ලෙස මේ ලෝ තලයේ තිබෙනවා. නමුත්, මිනිසාට තේරුම්ගත නොහැකි නිසා හෝ, මිනිසාට නොපෙනෙන නිසාවෙන් හෝ, මේ දේවල් පිළිනොගෙන ඉවත දැමීම නම් කළ නොහැකියි.

සමහර මිනිසුන්, කිසිඳු අඩුපාඩුවක් නොමැතිව සම්පූර්ණ මිනිසෙකු ලෙස මෙලොවට උපත ලබනවා. නමුත්, හැමදෙනෙකුටම මේ වාසනා බල මහිමය පිහිටන්නෙ නැහැ. උපතින්ම ආබාධිත ලෙස උප්පත්තිය ලබන්නාවූ මිනිසුන් අනන්ත අප්‍රමාණ මේ ලෝ තලයේ වෙසෙනවා. නමුත් ඔබ මොහොතකට හෝ සිතුවාද, කිසිඳු ආබාධිත තත්වයක් නොමැති මිනිසුන් සමගින් කෙලෙසද  මෙම ආබාධිත මිනිසුන් එකිනෙකා හා කරට කර සිටිමින්, තම ජීවිත තරඟයෙන් පරාජය නොවී ඉදිරියටම ගමන් කරන්නෙ කියලා… මේ සොබාදහම හරිම පුදුමාකාරයි. කෙනෙක්ගෙන් මොනවා හෝ දෙයක් උදුරා ගන්නවා නම්, ඊට ප්‍රති උපකාරයක් ලෙස වෙනත් උරුමයක් ලබාදීමට තරම් ඔහු ත්‍යාගශීලී වෙනවා. සැමදෙනාටම සාධාරණත්වය. එයයි, සොබාදහම් මාතාව සතු අද්විතීය ලක්ෂණය.

උපතින්ම දෑස් අන්ධතාවයෙන් පෙලෙන්නාවූ ජයරාමන්… නමුත්, මා ඉහතකී ලෙසටම සොබාදහම් මාතාව, මෙම අවිහිංසක මිනිසාගෙන් සිය දෑස් උදුරා ගනිද්දී, ඒ වෙනුවෙන් වන්දියක් ලෙස හරි අපූරු දායාදයකින් ඔහුව සරසවනවා. මෙලොව, අතිශය සුළු පිරිසකට පමණක් උරුමකම් ඇත්තාවූ ත්‍යාගයක්… විංඥානය. එහෙමත් නැත්නම්, සයවෙනි ඉන්ද්‍රිය විදියට හඳුන්වන්නත් හැකියාව තියෙනවා. දෑස් අන්ධතාවයෙන් පෙළුනත්, මොහු සතු හැකියාව උපයෝගයෙන්, දෑස් පෙනෙන්නාවූ පුද්ගලයෙකුටත් වඩා අති සූක්ෂම ලෙස තමා අවට පරිසරය විමර්ශනය කිරීමේ හැකියාවක් මොහු සතුවෙනවා. අතිශය තියුණු බුද්ධි මහිමය, තමා අවට සිටින පුද්ගලයින්ගේ උස අනුමාන කිරීම, බර අනුමාන කිරීම, ඔවුන්ගේ චර්යා රටාවන් විමර්ශනය කිරීම, ඔවුන් කෙබඳු අන්දමේ පුද්ගලයින්ද යන වග නිර්ණය කිරීම, අතිශය ඉහළ මට්ටමේ ශ්‍රව්‍ය සහ ආඝ්‍රහණ හැකියාව, ඕනෑම අන්දමේ සියුම් වූ ශබ්දයක් සැනෙකින් හඳුනාගෙන, එම ශබ්දය කුමන ශබ්දයක්ද, ශබ්දය පැමිණෙන්නේ කුමන දිශාවෙන්ද යන වග දශමයටම නිර්ණය කිරීම, අතිශය තියුණු ඉව මෙන්ම පාරම්පරික සටන් ශිල්පයේ ප්‍රවීනත්වයද මොහු සතු දායාදයන්ගෙන් කිහිපයක් වෙනවා.

මෙවැනි අපූර්ව වූ හැකියාවන් සමුදායකින් සමන්විත වන්නාවූ මෙම සුන්දරතර මිනිසා, තම ව්‍යාපාරයක් පවත්වාගෙන යමින්, සියළු දෙනාගේම නිබඳ ගෞරවයට පාත්‍ර වෙමින් කල් ගතකරන අතරම, මොහුගේ සමීපතම මිතුරා වන්නෙ, සැඟවුණු අතීතයක් සහිත විශ්‍රාමික මහාධිකරණ විනිසුරුවරයෙක්. තමන් හට මුහුණ පෑමට සිදුවුණා වූ අතිශය සෝචනීය අතීත ඉරණමක් හමුවේ, ඊට වගකිවයුතු සියලුම දෙනා සහ ඔවුන්ගේ පවුල් ඝාතනය කරමින්, සිය අවසාන පලිගැනීම ලෙස මෙම මහාධිකරණ විනිසුරුවරයා පසුපස හඹා එන්නාවූ, අතිශය තියුණු බුද්ධියක් සහිත දරුණු මිනීමරුවෙකු හමුවේ අසරණ වන මෙම මහාධිකරණ විනිසුරුවරයා, මෙතෙක් කාලයක් ලොවට රහසක්ව පවත්වාගෙන පැමිණියාවූ සිය දියණියගේ බාරකරුවා ලෙස, ඉහත කී දෑස් නොපෙනෙන ජයරාමන් පත්කරනු ලබනවා. නමුත්, නොබෝ කලකින්ම විනිසුරුවරයා සිය නිවසේදීම මරා දමන අතර, මේ සඳහා දෑස් නොපෙනෙන ජයරාමන් කෙරෙහි නීතියේ දෑත් දිගුවන අතරවාරයෙහි, සිය පලිගැනීම සම්පූර්ණ කරගැනීම උදෙසා මිනීමරුවාගේ ඊළඟ ඉලක්කය වන්නෙ, විනිසුරුවරයාගේ සැඟවුණු දියණියයි. දහසකුත් එකක් වූ බාධක කම්කටොළු හමුවේ සිය නිර්දෝෂී භාවය විදහා පාමින්, අවිහිංසක දියණියකගේ ජීවිතය රුදුරැ ඝාතකයකුගෙන් මුදවා ගැනීමට, විශ්මිත හැකියාවන්ගෙන් පිරිපුන් මෙම මිනිසාට හැකියාව ලැබේවිද….?

මලයාලම් චිත්‍රපට ඉතිහාසයේ ජනප්‍රියතම චිත්‍රපටය මොකක්ද කියලා මං ඔයාලගෙන් ඇහුවොත්, සැකයක් නැහැ ගොඩක් දෙනාගේ පිළිතුර වෙන්නෙ Drishyam (2013) චිත්‍රපටය. නමුත්, මං කිව්වොත් ඔබ වැරදියි කියලා….? වසර ගණනාවක් මුළුල්ලේ මලයාලම් චිත්‍රපට ඉතිහාසයේ ජනප්‍රියතම චිත්‍රපටයට හිමි ස්ථානය රැකගෙන පැමිණි Drishyam චිත්‍රපටය, තෙවැනි ස්ථානය දක්වා පහළට ඇද දමමින්, එම ලැයිස්තුවේ දෙවැනි ස්ථානය තහවුරු කරගැනීමට සමත්වූ චිත්‍රපටය තමයි, මෙම Oppam චිත්‍රපටය. Garam Masala (2005), Khatta Meetha (2010), Billu (2009) ආදී අති සාර්ථක චිත්‍රපට රාශියක් අධ්‍යක්ෂණය කරන ලද, Priyadarshan සහ, මලයාලම් චිත්‍රපට ඉතිහාසයේ එදා මෙදා තුර බිහිවූ ජනප්‍රියතම තරුව, Mohanlal යන ද්විත්වයේ සුසංයෝගයෙන් බිහිවූ, Imdb දර්ශකයේ 8.0 ක ඉහළම අගයකින් සමන්විත වන්නාවූ මෙම චිත්‍රපයට, ඉන්දියානු රුපියල් කෝටි 61 ක බොක්ස් ඔෆිස් වාර්තාවක් පිහිටුවීමද සමත්විය. එමෙන්ම, Asiavision සම්මාන උළෙලේදී, හොඳම අධ්‍යක්ෂණය, වසරේ විශිෂ්ඨතම චිත්‍රපටය, වසරේ ජනප්‍රියතම නළුවා, හොඳම ගායකයා (පිරිමි), හොඳම පද රචනාව, ගායනයේ නව ස්වරය… යන අංශයන් හය සඳහා යෝජනාවී, අදාළ අංශ හයෙන්ම ජයග්‍රහණය ලැබීමට පවා සමත්වූවා. එමෙන්ම, මෙම චිත්‍රපටයේ හින්දි සංස්කරණය, බොලිවුඩයේ ජනකාන්ත නළු අජය දෙව්ගන්ගේ  ප්‍රධාන රංගන දායකත්වය යටතේ, නුදුරු අනාගතයේදීම නිෂ්පාදනය කෙරෙන බැව් නිල වශයෙන් ප්‍රකාශ කරනු ලැබ තිබෙනවා.

කැමති අය අරගෙන බලන්න.එක හුස්මට බලන්න පුලුවන් තවත් චිත්‍රපටයක් කියලා සැකයකින් තොරව නිර්දේශ කරනවා. තවමත් සැකයක් තියෙනවා නම්, පූර්ව ප්‍රචාරක පටයත් නරඹලාම නිගමනයකට එන්නකො.

එහෙනම්, මෙවැනි වූ තවත් රසබර සිත්තමකින් හමුවන තුරාවට, හැම දෙනාටම ජය ප්‍රාර්ථනා කරනවා!!!

ලිපිය උපුටා ගැනීම :- Baiscopelk.com හි පලවූ සිසිල ප්‍රසාද් සහෝදරයාගේ ලිපිය