සුභ දවසක් හැමෝටම!!

හොලිවුඩ් සිනමාවේ රසික රසිකාවියනි! ඔයාල හැමෝම හොඳින් ඇති කියල මම විස්වාස කරනවා. ඔන්න අදනම් අරගෙන ආවේ සුපිරි ඇනිමේෂන් චිත්‍රපටයක්. ඔයාලා හැමෝම දන්න කියන කෙනෙක් නේ Ladybug කියන්නේ, එහෙමත් නැත්තම් රතු චූටි. ඉතින් 2015 දී රූපවාහිනී කතාවක් ලෙස Miraculous: Tales of Ladybug & Cat Noir දිග හැරුනත් චිත්‍රපටයක් ලෙස මේ අවුරුද්දේ එළියට ආපු Ladybug & Cat Noir: The Movie (2023) තමා මම අද ඔයාලට අරගෙන ආවේ.

චිත්‍රපටය පැත්තට හැරුනොත් ප්‍රංශ 3D පරිගණක භාවිතයෙන් නිර්මාණය කරන ලද සුපිරි ගනයේ ඇනිමේෂන් චිත්‍රපටයක්. මෙම චිත්‍රපටය Jeremy Zag මහතා විසින් අධ්‍යක්ෂණය කර සම-රචනය කරන ලදී. 2023 ජූනි 11 වන දින ප්‍රංශයේ Grand Rex හි පළමු වරට තිරගත වූ අතර, SND විසින් 2023 ජූලි 5 වන දින ප්‍රංශයේ නිකුත් කරන තිබෙනවා. ජාත්‍යන්තර වශයෙන්, එය තෝරාගත් කලාපවලට එම දිනයේ සිටම නිකුත් කරන ලද අතර, Netflix හි 28 ජූලි 2023 අනෙකුත් ප්‍රදේශවලට නිකුත් කරන ලදී. මෙම චිත්‍රපටය Animation, Action, Adventure, Romance සහ Musical ගනයට අයත් වෙන කම්මැලිකමක් නැතිව පවුලේ සැමට එකට ඉඳගෙන බලන්න පුළුවන් ලස්සන ඇනිමේෂන් චිත්‍රපටක් වෙනවා.

යුරෝ මිලියන 80 ක අයවැයක් මත, එය දැනට ප්‍රංශයේ නිෂ්පාදනය කරන ලද දෙවන වඩාත්ම මිල අධික චිත්‍රපටය ලෙස නම් කෙරෙනවා. ඒ විතරක් නෙමෙයි මේ වන විට (2023 ජූලි 28), ප්‍රංශයේ ඩොලර් මිලියන 8.3කුත් ලොව පුරා ඩොලර් මිලියන 8.5කුත් උපයා තිබෙනවා. මෙම චිත්‍රපටය Part 1 ලෙස නම් කරන අතර මීළඟ කොටස 2026 දී නිකුත් කරන බව දන්වා සිටිනවා. නමුත් නිළ වශයෙන් හරිම දිනයක් ප්‍රකාශයට පත් කරල නැ.

කතාව පැත්තට අපි ගියොත් සාමාන්‍ය යොවුන් වියේ ඉන්න මැරිනෙට්ගේ පැරිසියේ ජීවිතය වටා තමා මේ කතාව යන්නේ. ඇය Ladybug බවට පත් වූ විට සුපිරි බලයකින් යුතු වීරවරියක් වෙනවා. නව දුෂ්ටයෙකු නගරයට පැමිණෙන බැවින් පැරිසිය බේරා ගැනීමට ඇගේ ප්‍රතිවිරුද්ධ කැට් නොයර් සමඟ එක් වෙන්න ඕන. එයාල දෙන්න එකට හිටියොත් තමා එයාලට ඒ දුෂ්ටයාව පරද්දන්න පුළුවන්. පොඩි ආදර කතාවකුත් යනවා. මොකද Ladybug මුළින්ම කොල්ලට කැමති වෙන්නෙ නැ. ඕක ඉතින් කියන්නත් දෙයක්ද කෙල්ලො කොහොමත් එහෙමනෙ නේ. ඉතින් තව කතා ඕන නැ අපි යමුකො බලන්න මේ Cat Noir කොහොමද Ladybugගෙ හිත දිනාගෙන මේ දුෂ්ටයාව පරද්දන්නේ කියල බලන්න.

එහෙනම් තවත් Film එකකින් හමුවෙන බලාපොරොත්තුවෙන් සමුගන්නවා.

ජය වේවා!

~︎ ඔයා හැමදාම ලෝකෙ බේර ගන්නවා ඔයාගේ වෙස් මුහුණත් එක්ක, ඒත් ඒක පිටුපස ඉන්න කෙල්ල බේර ගත්තේ මගෙ හදවත. ︎~

ලිපිය උපුටා ගැනීම :- Baiscope.lk හි පලවූ සුචිත්‍ර ප්‍රනාන්දු සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Miraculous: Ladybug & Cat Noir, The Movie (2023) Sinhala Subtitles | සිංහල උපසිරසි සමඟ appeared first on SinhalaSub.